கும்பகோணம் வெற்றிலை மற்றும் தோவாளை மாணிக்க மாலைக்கு புவிசார் குறியீடு
செய்தி முன்னோட்டம்
மத்திய அரசால் கும்பகோணம் வெற்றிலை மற்றும் கன்னியாகுமரி மாவட்டத்தின் தோவாளை மாணிக்க மாலைக்கு புவிசார் குறியீடு அறிவிக்கப்பட்டுள்ளது. புவிசார் குறியீடு (Geographical Indication) என்பது ஒரு குறிப்பிட்ட இடத்திலிருந்து வந்த தனித்தன்மை வாய்ந்த பொருட்களுக்கு வழங்கப்படும் பாதுகாப்பு குறியீடாகும். இது அந்த பொருட்களை வியாபார நோக்கத்திற்காக போலியான பெயர்களில் விற்பனை செய்யப்படுவதிலிருந்து பாதுகாக்கிறது.
மற்ற உற்பத்திகள்
தமிழகத்தில் GI டேக் பெற்ற மற்ற உற்பத்திகள் எவை?
தமிழ்நாட்டில் ஏற்கனவே திண்டுக்கல் பூட்டு, சேலம் சுங்குடி சேலை, காஞ்சி பட்டு, மதுரை மல்லிகை, தஞ்சாவூர் கலைத்தட்டு, திருவில்லிபுத்தூர் பால்கோவா, கோவில்பட்டி கடலை மிட்டாய், பழநி பஞ்சாமிர்தம், கொடைக்கானல் மலைப்பூண்டு போன்ற பல உணவு, வேளாண்மை, பாரம்பரிய உற்பத்திகள் புவிசார் குறியீடு பெற்றுள்ளன. சமீபத்தில் மதுரை மரிக்கொழுந்து மற்றும் விளாச்சேரி களிமண் பொம்மைகள் புவிசார் குறியீடு பெற்ற நிலையில், இப்போது கும்பகோணம் வெற்றிலை மற்றும் தோவாளை மாணிக்க மாலையும் இந்த புகழ்பெற்ற பட்டியலில் இடம்பிடித்துள்ளது.
ட்விட்டர் அஞ்சல்
Twitter Post
தமிழ்நாடும்.. புவிசார் குறியீடுகளும்..!
— Sun News (@sunnewstamil) April 1, 2025
கும்பகோணம் வெற்றிலை, தோவாளை மாணிக்க மாலை ஆகியவற்றுக்கு புதிதாக புவிசார் குறியீடு வழங்கப்பட்டுள்ளது#SunNews | #GeographicalIndex | #TamilNadu pic.twitter.com/PTOXrVpqu2