IND vs BAN முதல் டெஸ்ட்: சென்னை வந்த ரோஹித் சர்மா தலைமையிலான இந்திய அணி
செய்தி முன்னோட்டம்
இந்தியாவுக்கும், வங்கதேசத்திற்கும் இடையிலான முதல் டெஸ்ட் போட்டி, இன்னும் ஒரு வாரத்தில் தொடங்க உள்ளது. இரண்டு போட்டிகள் கொண்ட இந்த கிரிக்கெட் டெஸ்ட் தொடரில் பங்கேற்க, இந்தியாவிற்கு வருகிறது வங்கதேச அணி.
இந்த போட்டித்தொடரின் முதல் டெஸ்ட் போட்டி, செப்டம்பர் 19ஆம் தேதி சென்னையில் துவங்கவுள்ளது.
இரண்டாவது டெஸ்ட் போட்டி செப்டம்பர் 27ஆம் தேதி கான்பூரில் நடைபெறும். சென்னை சேப்பாக் ஸ்டேடியத்தில் முதல் போட்டி நடைபெறும்.
இதற்கிடையே, வங்கதேசத்திற்கு எதிரான முதல் டெஸ்டில் பங்கேற்க இந்திய அணி சென்னைக்கு நேற்று இரவு வந்தடைந்தது. இன்று முதல், அவர்கள் தீவிர பயிற்சிகளை மேற்கொள்கின்றனர்.
ட்விட்டர் அஞ்சல்
Twitter Post
#Watch | வங்கதேசத்துக்கு எதிரான டெஸ்ட் போட்டியில் விளையாடுவதற்காக, சென்னை வந்தார் இந்திய கிரிக்கெட் வீரர் விராட் கோலி!#SunNews | #ViratKohli | #INDvBAN pic.twitter.com/xOxj1euqYD
— Sun News (@sunnewstamil) September 13, 2024
இந்திய அணி
போட்டியில் பங்கேற்க உள்ள அணி வீரர்கள்
வங்கதேசத்திற்கு எதிரான முதல் டெஸ்ட் போட்டியில் பங்கேற்க உள்ள இந்திய அணி:
ரோஹித் ஷர்மா, யஷஸ்வி ஜெய்ஷ்வால், ஷுப்மன் கில், விராட் கோலி, கே.எல்.ராகுல், சர்பரஸ் கான், துரூவ் ஜோரல், ரிஷப் பந்த், அக்சர் படேல், ரவீந்திர ஜடேஜா, அஸ்வின் ரவிச்சந்திரன், முகமது சிராஜ், ஆகாஷ் தீப், ஜஸ்ப்ரீத் பும்ரா, யஷ் தயாள், குல்தீப் யாதவ் ஆகியோர்.