பேலஸ் ஆன் வீல்ஸ் ரயில் சீசன் தொடங்கியது! முன்பதிவு செயல்முறை, விலை மற்றும் இதர விவரங்கள்
செய்தி முன்னோட்டம்
ராஜ வாழ்க்கையின் ஆடம்பரத்தையும் கம்பீரத்தையும் விரும்பாதவர்கள் உண்டா?
அந்த ஏக்கத்தை போக்க இந்திய ரயில்வே அறிமுகம் செய்திருக்கும் ரயில் சேவை தான் 'பேலஸ் ஆன் வீல்ஸ்'.
இந்திய ரயில்வேயின் முதன்மையான சொகுசு ரயில்களில் ஒன்றான 'பேலஸ் ஆன் வீல்ஸ்' பயணிகளுக்கு மறக்க முடியாத அனுபவத்தை வழங்கும்.
இந்த ரயில் சேவை, ஜெய்ப்பூர் உட்பட ராஜஸ்தானின் பாலைவன நகரங்களுக்கு இடையே செல்லும்.
இந்த ரயில் சேவையின் இந்தாண்டுக்கான முன்பதிவு தற்போது தொடங்கி விட்டது. இதன் விலை விவரங்கள், பயண விவரங்கள் உள்ளிட்டவைகளை தெரிந்துகொள்ளுங்கள்
இடங்கள்
பயண இடங்கள்
'பேலஸ் ஆன் வீல்ஸ்' ரயில், ஜெய்ப்பூரின் பிங்க் சிட்டி, ஜெய்சால்மர், ஜோத்பூர், உதய்பூர், சவாய் மாதோபூர், சித்தோர்கர், பரத்பூர், ஆக்ரா போன்ற முக்கிய இடங்களுக்கு பயணப்படும்.
எட்டு பகல் மற்றும் ஏழு இரவு- நீண்ட ரயில் பயணம் டெல்லியில் இருந்து தொடங்குகிறது.
மேலும் இந்த ரயில் ராஜஸ்தான், குஜராத் மற்றும் உத்தரபிரதேசத்தின் சுற்றுலா தலங்களை சுற்றிக்காட்டும்.
அங்கிருக்கும் UNESCO இடங்கள், உள்ளூர் கலாச்சார மார்கெட்டுகள் உள்ளிட்டவைகளை சுற்றி பார்த்தபின்னர், மீண்டும் டெல்லியை வந்தடையும்.
முன்பதிவு
முன்பதிவு விலை
பேலஸ் ஆன் வீல்ஸின் டிக்கெட் விலையானது தேவை மற்றும் உங்கள் தங்கும் ரூம் அடிப்படையில் மாறுபடும்.
அதேபோல பருவத்திற்கேற்றார் போலவும் மாறும். ராஜஸ்தான் மற்றும் குஜராத்தில் சாதகமான வானிலை இருப்பதால், அக்டோபர் மற்றும் மார்ச் மாதங்களுக்கு இடைப்பட்ட காலம் சொகுசு ரயிலின் உச்சபட்ச சுற்றுலா சீசனாக கருதப்படுகிறது.
அக்டோபர் 2024 முதல் மார்ச் 2025 வரையிலான பேலஸ் ஆன் வீல்ஸின் குறைந்தபட்ச முன்பதிவு விலை ஒரு இரவிற்கு, இருவருக்கு ரூ.81008/- எனத்தொடங்கும்.
செயல்முறை
ரயில் டிக்கெட் முன்பதிவு செய்வது எப்படி?
பேலஸ் ஆன் வீல்ஸ் டிக்கெட்டை முன்பதிவு செய்ய ஆர்வமுள்ளவர்கள், ரயில் சேவைகளின் அதிகாரப்பூர்வ இணையதளமான https://www.thepalaceonwheels.org இல் சென்று முன்பதிவு செய்யலாம்.
அங்கே உங்கள் தேவைக்கான விருப்பத்தை தேர்வு செய்யவும். அடுத்தாக, புறப்படும் தேதிகளையும், பயணிகளின் எண்ணிக்கையும் தேர்ந்தெடுக்கவும் அடுத்ததாக பயணிகளின் விவரங்களை உள்ளிடவும்.
இதனை அடுத்து, முன்பதிவு செயல்முறைக்கு ஒரு பயண நிபுணர் உங்களுடன் இணைவார்.
உங்கள் பயணம் குறித்த சந்தேகங்களை நிவர்த்தி செய்த பின்னர், அவர் உங்களுக்கு பணம் செலுத்தும் வழிமுறையை கூறுவார்.