மார்கோ ரூபியோவின் மும்பை பயணம் குறித்து பிரதமரை சாடிய ராகுல் காந்தி
செய்தி முன்னோட்டம்
அமெரிக்க வெளியுறவுச் செயலர் மார்கோ ரூபியோவின் வரவிருக்கும் இந்தியப் பயணம் குறித்து பிரதமர் நரேந்திர மோடியை கடுமையான வார்த்தைகளால் விமர்சித்துள்ளார் மக்களவை எதிர்க்கட்சித் தலைவர் ராகுல் காந்தி. இந்திய வெளியுறவுத் துறை அமைச்சகத்தின் அதிகாரிகளுக்கு என்ன நடக்கிறது என்றே தெரியாமல் குழப்பத்தில் இருப்பதாக அவர் சாடியுள்ளார். வெள்ளிக்கிழமை தனது X பக்கத்தில் பதிவிட்டுள்ள ராகுல் காந்தி,"மிஸ்டர் ரூபியோ தனது ஊழியரை மும்பைக்கு வரவழைத்துள்ளார். மோடி ஜி, என்ன நடக்கிறது என்பதில் உங்கள் வெளியுறவுத் துறை அதிகாரிகள் குழப்பத்தில் உள்ளனர். இதைப் பற்றி நீங்கள் விளக்க விரும்பலாம்; இல்லையெனில், என்னை விளக்கச் சொல்வீர்களா?" எனக் குறிப்பிட்டுள்ளார்.
ட்விட்டர் அஞ்சல்
Twitter Post
Mr Rubio has summoned his employee to Mumbai.
— Rahul Gandhi (@RahulGandhi) October 16, 2026
Modi ji, your officials in the External Affairs Ministry are confused about what's going on.
You might want to explain.
Unless, of course, you want me to.
ஜெயராம் ரமேஷ்
காங்கிரஸ் பொதுச் செயலாளர் ஜெயராம் ரமேஷ்
முன்னதாக வியாழக்கிழமை, இந்தியாவிற்கான அமெரிக்கத் தூதர் செர்ஜியோ கோர், மும்பையில் இந்திய வெளியுறவுச் செயலர் எஸ். ஜெய்சங்கரை மார்கோ ரூபியோ சந்திப்பார் எனத் தெரிவித்திருந்தார்.
இந்திய வெளியுறவுத் துறை அமைச்சகம் அதிகாரப்பூர்வமாக அறிவிப்பதற்கு முன்பே, அமெரிக்கத் தூதர் மூலம் இந்திய அமைச்சரின் பயணத் திட்டம் வெளியானதை சுட்டிக்காட்டிய காங்கிரஸ் பொதுச் செயலாளர் ஜெயராம் ரமேஷ், "இந்திய அரசு ஏன் இந்த விவகாரத்தில் அமைதி காக்கிறது?" எனக் கேள்வி எழுப்பியிருந்தார்.
பின்னணி
ஜாம்நகர் பயணம் மற்றும் ரிலையன்ஸ் முதலீட்டு பின்னணி
அமெரிக்க வெளியுறவுத் துறை தகவலின்படி, ஆற்றல் கூட்டாண்மையை வலுப்படுத்தும் நோக்கில் அக்டோபர் 17 முதல் 22 வரை மார்கோ ரூபியோ இந்தியாவில் சுற்றுப்பயணம் மேற்கொள்கிறார்.
உஸ்பெகிஸ்தானின் சமர்கண்ட் நகருக்கு சென்ற பிறகு, அவர் மும்பை மற்றும் குஜராத்தின் ஜாம்நகர் பகுதிகளுக்கு பயணம் செய்ய உள்ளார்.
ஜாம்நகர் பயணத்தின் போது, ரிலையன்ஸ் இண்டஸ்ட்ரீஸ் நிறுவனத்தின் எண்ணெய் சுத்திகரிப்பு ஆலையை ரூபியோ பார்வையிடவுள்ளார்.
அமெரிக்காவின் டெக்சாஸ் மாநிலத்தில் கடந்த 50 ஆண்டுகளில் இல்லாத அளவிற்கு பெரிய சுத்திகரிப்பு திட்டத்தில் ரிலையன்ஸ் முதலீடு செய்யத் திட்டமிட்டுள்ள சூழலில் இந்த ஆய்வு முக்கியத்துவம் பெறுகிறது.
அண்மையில் எலான் மஸ்க், முகேஷ் அம்பானியை "PM அம்பானி" எனச் சாடியிருந்த நிலையில், அமெரிக்க வெளியுறவுச் செயலரின் ஜாம்நகர் வருகை கவனத்தைப் பெற்றுள்ளது.