புடின், ஜி ஜின்பிங்கிற்கு தமிழ்நாட்டு முறுக்கு, கபாப்: டெல்லி BRICS மாநாட்டில் அசத்தும் இந்திய மெனு
செய்தி முன்னோட்டம்
புதுடெல்லியில் செப்டம்பர் 12 மற்றும் 13 ஆகிய தேதிகளில் நடைபெறும் 18-வது பிரிக்ஸ் (BRICS) உச்சி மாநாட்டை முன்னிட்டு தலைநகர் டெல்லி விழாக்கோலம் பூண்டுள்ளது. உலகத் தலைவர்களின் வருகையை முன்னிட்டு 11 நட்சத்திர ஹோட்டல்களில் பலத்த பாதுகாப்பு ஏற்பாடுகள் செய்யப்பட்டுள்ளன. பாதுகாப்பு ஒருபுறமிருக்க, வெளிநாட்டு தலைவர்கள் மற்றும் பிரதிநிதிகளுக்கு இந்தியாவின் பாரம்பரிய உணவுகளை வழங்கி உபசரிக்க டெல்லியின் முன்னணி ஆடம்பர நட்சத்திர ஹோட்டல்கள் சிறப்பு ஏற்பாடுகளைச் செய்துள்ளன. தகவல்கள் படி, ITC மவுரியாவில் ரஷ்ய அதிபர் விளாடிமிர் புடின்; தாஜ் பேலஸ்-இல் சீன அதிபர் ஜி ஜின்பிங் மற்றும் குழுவினர் தங்கவுள்ளனர். தி லீலா பேலஸ்-இல் ஐக்கிய அரபு அமீரக (UAE) தூதுக்குழு மற்றும் ஷெரட்டன் ஹோட்டலில் எகிப்து தூதுக்குழு தங்கவுள்ளது.
உணவு உபசரிப்புகள்
விஐபி தலைவர்களுக்கான சிறப்பு உணவு உபசரிப்புகள்
தி லலித் ஹோட்டலில், பன்னாட்டு உணவுகளுக்கு பதிலாக, இந்தியாவின் பாரம்பரிய பிராந்திய உணவுகளுக்கு முன்னுரிமை அளிக்கப்பட்டுள்ளது.
தந்தூரி ரொட்டிகள் மற்றும் சிறுதானியங்கள் சார்ந்த சிறப்பு உணவுகள் வழங்கப்படவுள்ளன.
பிரிக்ஸ் மாநாட்டின் கருப்பொருளை பிரதிபலிக்கும் வகையில், ஜப்பானிய பாணி கிட்னி பீன்ஸ் மற்றும் மிசோ பேஸ்ட் கத்தரிக்காய் உள்ளிட்ட பிரத்யேக உணவுகளும் சேர்க்கப்பட்டுள்ளன.
தி லீலா பேலஸ்-இல், உள்நாட்டுப் பழங்களுடன் ரோஜா, குங்குமப்பூ மற்றும் ஏலக்காய் சுவை கொண்ட கைவினை சாப்பிடக்கூடிய தாமரை மலர் உணவுப் படைப்பாக வழங்கப்படுகிறது.
அதனுடன், ஆரோக்கியம் தரும் சிறுதானிய குக்கீஸ்கள் மற்றும் ஹெர்பல் டீ வகைகளும் அறைகளில் வைக்கப்படுகின்றன.
பாரம்பரிய நொறுக்குத் தீனி
வெவ்வேறு பிராந்திய பாரம்பரிய நொறுக்குத் தீனி
தாஜ் ஹோட்டல் சமையல் கலைஞர்கள் தங்கள் தாயாரிடம் இருந்து கற்றுக் கொண்ட இந்தியாவின் 6 வெவ்வேறு பிராந்திய பாரம்பரிய நொறுக்குத் தீனிகளை வழங்குகின்றனர்.
தமிழ்நாடு: பாரம்பரிய முறுக்கு
காஷ்மீர்: ஸ்பைஸ்டு வால்நட்ஸ் (காரமான அக்ரூட் பருப்புகள்)
பழைய டெல்லி: மைதா காஜு
மகாராஷ்டிரா: பாக்கர்வாடி
ராஜஸ்தான்: மினி கச்சோரி
பெங்கால்: குச்சோ நிம்கி
கடும் பாதுகாப்பு மற்றும் அறை தட்டுப்பாடுகளுக்கு இடையே, இந்தியாவின் உணவுப் பாரம்பரியம் மற்றும் விருந்தோம்பலை உலக அரங்கில் பறைசாற்ற டெல்லி ஹோட்டல்கள் முழுவீச்சில் தயாராகி வருகின்றன.