"இந்தியாவிற்கு ரஷ்ய எண்ணெய் தேவை என்பது முட்டாள்தனம்": டிரம்ப் ஆலோசகர் நவாரோ
செய்தி முன்னோட்டம்
உக்ரைன் போரில் இந்தியாவின் பங்கை வெள்ளை மாளிகை வர்த்தக ஆலோசகர் பீட்டர் நவரோ கடுமையாக விமர்சித்தார். இந்தியா சுத்திகரிப்பு ஆலை லாபம் ஈட்டுவதாகவும், அதை ரஷ்ய எண்ணெய்க்கான "சலவைக்கூடம்" என்றும் குற்றம் சாட்டினார். "இந்தியாவிற்கு ரஷ்ய எண்ணெய் தேவை என்பது முட்டாள்தனம்" என்று நவரோ செய்தியாளர்களிடம் கூறினார். மாஸ்கோவிலிருந்து கச்சா எண்ணெய் வாங்கியதற்கான தண்டனையாக இந்தியா மீதான வரிகளை இரட்டிப்பாக்குவதற்கான ஆகஸ்ட் 27 காலக்கெடுவை ஜனாதிபதி டொனால்ட் டிரம்ப் நீட்டிக்க வாய்ப்பில்லை என்றும் அவர் தெரிவித்தார்.
காலக்கெடு
இந்தியாவில் 50% வரிகளுக்கு நீட்டிப்பு இல்லை
"இன்னும் ஆறு நாட்களில், ஆகஸ்ட் 27 அன்று இரண்டாம் நிலை வரிகள் விதிக்கப்படுவதை காணலாம். பல உயிர்களை பலி வாங்கிய போரில் தனது பங்கை இந்தியா அங்கீகரிக்க விரும்பவில்லை. அது வெறுமனே விரும்பவில்லை. அது ஜி ஜின்பிங்கிற்கு(சீனா) ஒத்துப்போகிறது , அதைத்தான் அது செய்து கொண்டிருக்கிறது," என்று நவரோ கூறினார். இந்திய சுத்திகரிப்பு நிறுவனங்கள் போருக்கு எரிபொருளை வழங்கி பணம் சம்பாதிக்கின்றன என்று டிரம்பின் நீண்டகால உதவியாளர் கூறினார். "அவர்களுக்கு எண்ணெய் தேவையில்லை - இது ஒரு சுத்திகரிப்பு லாபம் ஈட்டும் திட்டம்" என்று அவர் வாதிட்டார்.
கட்டாயம்
இந்தியா மறைமுகமாக ரஷ்யாவிற்கு உதவுவதால் அமெரிக்கா உக்ரைனுக்கு உதவி செய்ய கட்டாயப்படுத்தப்பட்டதாம்
"இந்தியா நம்மிடமிருந்து பொருட்களை விற்கும்போது பெறும் பணத்தை, ரஷ்ய எண்ணெயை வாங்க பயன்படுத்துகிறது. பின்னர் அது சுத்திகரிப்பு நிலையங்களால் பதப்படுத்தப்படுகிறது, மேலும் அவர்கள் அங்கு நிறைய பணம் சம்பாதிக்கிறார்கள்". "ஆனால் பின்னர் ரஷ்யர்கள், பணத்தை அதிக ஆயுதங்களை உருவாக்கவும் உக்ரேனியர்களைக் கொல்லவும் பயன்படுத்துகிறார்கள்". "எனவே அமெரிக்க வரி செலுத்துவோர் உக்ரேனியர்களுக்கு இராணுவ பாணியில் அதிக உதவிகளை வழங்க வேண்டியுள்ளது," என்று அவர் கூறினார். இந்தியா தனது போக்கை மாற்றுமாறு வலியுறுத்தினார். "நான் இந்தியாவை நேசிக்கிறேன். மோடி ஒரு சிறந்த தலைவர். ஆனால் தயவுசெய்து, இந்தியா, உலகப் பொருளாதாரத்தில் உங்கள் பங்கு என்ன என்பதைப் பாருங்கள். நீங்கள் இப்போது செய்து கொண்டிருப்பது அமைதியை உருவாக்குவது அல்ல, அது போரை நிலைநிறுத்துகிறது."