கோடை வெயில் கொளுத்த போகுது..உங்கள் குழந்தைகளை பாதுகாக்க சில டிப்ஸ்
செய்தி முன்னோட்டம்
இந்த வருடம் கோடை வெயில் மிகவும் பயங்கரமாக இருக்கும். அதற்கான சாம்பிள் பல மாநிலங்களில் இப்போதே காட்ட துவங்கி விட்டது.
பல இடங்களில் உஷ்ணக்காற்று வீசக்கூடும் என வானிலை ஆய்வு மையமும் தெரிவித்துள்ளது.
இந்த நிலையில் நாடாளுமன்ற தேர்தலை முன்னிட்டும், கோடை வெயிலை முன்னிட்டும் பள்ளிகள் சீக்கிரமே மூட திட்டமிட்டுள்ளனர்.
குழந்தைகளை கோடை விடுமுறையில் எப்படி சமாளிப்பது என யோசிக்கும் பெற்றோரே, கோடை வெயிலில் இருந்து குழந்தைகளை எப்படி பாதுகாப்பது என்பதை பற்றி முதலில் தெரிந்துகொள்ளுங்கள்.
கோடை காலங்களில் பல குழந்தைகளுக்கு, வேர்க்குரு, நோய் தொற்று, போதிய நீரேற்றம் இல்லாமை, வயிற்று போக்கு போன்ற பல உபாதைகள் தோன்றும்.
கோடையில் குழந்தைகளை தாக்கும் நோய்கள் மற்றும் தடுப்பு நடவடிக்கைகள் பற்றி தெரிந்து கொள்ளுங்கள்.
பாதுகாப்பு
நோய் தொற்றிலிருந்து உங்கள் குழந்தைகளை பாதுகாப்பது எப்படி?
வெயிலில் விளையாடி விட்டு வந்த உடனே குழந்தைகளுக்கு குளிர்ச்சியான எதையும் சாப்பிடாவோ, குடிக்கவோ கொடுக்க வேண்டாம்.
குழந்தைகளுக்கு பழைய மற்றும் வெளி உணவுகளை வாங்கி தர வேண்டாம்.
குழந்தைகள் அதிக நேரம் ஏசியில் இருப்பதை தவிர்க்கவும். மாறாக காற்றோட்டம் நிறைந்த அறையினுள் இருப்பதை ஊக்குவியுங்கள்.
எலுமிச்சை ஜூஸ், இளநீர், மோர் போன்ற சத்தான பானங்களை குழந்தைகளுக்கு முடிந்தவரை கொடுங்கள்.
அதிகமான வெயிலில் குழந்தைகள் வெளியே செல்வதை அனுமதிக்காதீர்கள்.
குழந்தைகளுக்கு பருவகால பழங்களை சாப்பிட கொடுங்கள்.
அதேபோல காய்கறி சூப், சாலட் போன்றவற்றை சாப்பிடுவதை உறுதி படுத்தவும்.
வெயிலில் செல்லும்போது முடிந்தவரை பருத்தி ஆடைகள் அணிவதை உறுதி செய்யுங்கள்