சவுரவ் கங்குலியின் கேப்டன்ஷிப் சகாப்தம்: இந்திய கிரிக்கெட்டின் முகத்தை மாற்றிய 7 முக்கிய முடிவுகள்
செய்தி முன்னோட்டம்
இந்திய கிரிக்கெட் அணி சவாலான காலகட்டத்தைச் சந்தித்தபோது, அதன் தலைவராக பொறுப்பேற்ற சவுரவ் கங்குலி, எதிரணிகளை கண்டு அஞ்சாத ஒரு துடிப்பான அணியை உருவாக்கினார். தைரியமான முடிவுகள், இளம் திறமைகளின் மீது கொண்ட நம்பிக்கை மற்றும் வெளிநாட்டு மைதானங்களில் ஆதிக்கம் செலுத்தும் மனப்பான்மை ஆகியவை இவரது தலைமையை தனித்துவமாகக் காட்டின.
# 1
இளம் திறமைகள் மீது வைத்த அதீத நம்பிக்கை
பாரம்பரியமான தேர்வுகளைத் தாண்டி யுவராஜ் சிங், ஜாகீர் கான், ஹர்பஜன் சிங் மற்றும் வீரேந்தர் சேவாக் போன்ற இளம் வீரர்களின் திறமையை உணர்ந்து அவர்களுக்குத் தொடர்ந்து வாய்ப்பளித்தார். இத் தீர்மானங்கள் இந்திய கிரிக்கெட்டின் எதிர்காலத்தையே மாற்றியமைத்தன.
# 2
சேவாக்கை தொடக்க ஆட்டக்காரராக மாற்றிய நகர்வு
டெஸ்ட் கிரிக்கெட்டில் 6-வது வரிசையில் அறிமுகமான வீரேந்தர் சேவாக்கின் அதிரடி ஆட்டத்தைப் புரிந்து கொண்டு, அவரை டெஸ்ட் போட்டிகளில் தொடக்க ஆட்டக்காரராகக் களம் இறக்கினார்.
இத்திட்டமிட்ட நகர்வு நவீன டெஸ்ட் கிரிக்கெட்டின் மிகச்சிறந்த தொடக்க வீரர்களில் ஒருவரை உருவாக்க வழிவகுத்தது.
# 3
ஆஸ்திரேலிய தொடரில் ஹர்பஜன் சிங்கிற்கு முக்கியத்துவம்
2001 ஆஸ்திரேலியாவிற்கு எதிரான வரலாற்றுச் சிறப்புமிக்க தொடரில், ஹர்பஜன் சிங் மீது முழு நம்பிக்கை வைத்துப் பொறுப்புகளை வழங்கினார்.
முதல் போட்டியில் தோல்வியடைந்த போதிலும், கங்குலியின் நம்பிக்கையை காப்பாற்றி 2-1 என்ற கணக்கில் தொடரை கைப்பற்ற ஹர்பஜன் மிக முக்கியக் காரணமாக அமைந்தார்.
# 4
வெளிநாட்டு மைதானங்களில் இந்திய அணியின் அணுகுமுறை மாற்றம்
முன்பெல்லாம் வெளிநாட்டுச் சுற்றுப்பயணங்களில் தோல்வியைத் தவிர்க்க மட்டுமே போராடிய இந்திய அணியை, "வெற்றி பெற மட்டுமே விளையாட வேண்டும்" என்ற மனநிலைக்கு மாற்றினார்.
ராகுல் டிராவிட்ராகுல் டிராவிட், வி.வி.எஸ். லக்ஷ்மன், சேவாக் மற்றும் வேகப்பந்து வீச்சாளர்களின் பங்களிப்புடன் வெளிநாடுகளில் பல வரலாற்று வெற்றிகளைப் பதிவு செய்தார்.
# 5
2002 நாட்வெஸ்ட் இறுதிப்போட்டி: இளைஞர்களின் வெற்றி
லார்ட்ஸ் மைதானத்தில் 326 ரன்கள் இலக்கை நோக்கி விளையாடிய இந்தியா 146/5 எனத் தடுமாறிய போது, யுவராஜ் சிங் மற்றும் முகமது கைஃப் ஆகிய இரு இளம் வீரர்களும் இணைந்து அணியை வெற்றி பெறச் செய்தனர்.
இளைஞர்கள் மீது கங்குலி வைத்த நம்பிக்கைக்கு இப்போட்டி மிகச்சிறந்த சான்றாக அமைந்தது.
# 6
வீரர்களின் தனித்துவ சுதந்திரத்திற்கு மதிப்பளித்தல்
தலைமை என்பது வெறும் உத்தரவுகளைப் பிறப்பிப்பது மட்டுமல்ல; வீரர்களின் இயல்பான பாணியைப் புரிந்து கொள்வதுதான் என்பதை உணர்ந்திருந்தார்.
நாட்வெஸ்ட் இறுதிப் போட்டியில் நிதானமாக ஆடுமாறு கங்குலி கூறியபோதிலும், சேவாக் தனது வழக்கமான அதிரடி ஆட்டத்தைத் தொடர்ந்தார்.
பின்னர், வீரர்களின் இயல்பான திறமையை முடக்கக் கூடாது என்பதைப் பகிரங்கமாக ஏற்றுக்கொண்டார்.
# 7
தோனியின் வருகைக்கு வழியமைத்த கங்குலி
2004-ஆம் ஆண்டு எம்.எஸ். தோனியை இந்திய ஒருநாள் அணிக்குத் தேர்வு செய்யத் தேர்வாளர்களிடம் வலியுறுத்தியவர் கங்குலி.
தொடக்கத்தில் 7-வது இடத்தில் களம் இறங்கிய தோனியை, விசாகப்பட்டினத்தில் பாகிஸ்தானுக்கு எதிரான போட்டியில் 3-வது இடத்தில் களம் இறக்கினார்.
அப்போட்டியில் தோனி விளாசிய அதிரடி சதம், இந்தியக் கிரிக்கெட்டின் புதிய சகாப்தத்திற்கு அடித்தளமிட்டது.