ஜம்மு காஷ்மீரில் செப்டம்பர் 2024க்குள் தேர்தல் நடத்தப்பட வேண்டும்: உச்ச நீதிமன்றம்
செய்தி முன்னோட்டம்
ஜம்மு காஷ்மீரில் அடுத்த ஆண்டு செப்டம்பர் 30-ம் தேதிக்குள் தேர்தலை நடத்த வேண்டும் என்று இந்திய தேர்தல் ஆணையத்துக்கும், மத்திய அரசிற்கும் உச்ச நீதிமன்றம் இன்று உத்தரவிட்டுள்ளது.
ஜம்மு காஷ்மீரின் சிறப்பு அந்தஸ்து ரத்து செய்யப்பட்டதை எதிர்த்து தொடரப்பட்ட மேல்முறையீட்டு மனுக்கள் மீதான தீர்ப்பின் ஒரு பகுதியாக உச்சநீதிமன்றம் இந்த உத்தரவு பிறப்பித்துள்ளது.
ஜம்மு காஷ்மீரில் நிலவி வந்த சிறப்பு அந்தஸ்தை நீக்கும் சட்டப்பிரிவு 370ஐ, 2019ஆம் ஆண்டு மத்திய அரசு அமல்படுத்தியது.
அதனை எதிர்த்து தொடரப்பட்ட வழக்கில், மத்திய அரசின் முடிவு சரியானது என உச்ச நீதிமன்றம் உறுதி செய்தது.
மேலும் ஜம்மு காஷ்மீருக்கு விரைவில் மாநில அந்தஸ்தை வழங்க நடவடிக்கை எடுக்க வேண்டும் என்றும் நீதிமன்றம் கூறியது.
card 2
வரலாற்று திருப்புமுனையாக அமைந்த தீர்ப்பு
இந்திய தலைமை நீதிபதி டி.ஒய்.சந்திரசூட் தலைமையிலான உச்ச நீதிமன்றத்தின் ஐந்து பேர் கொண்ட பெஞ்ச், ஜம்மு காஷ்மீர் இந்தியாவுடன் இணைவதை எளிதாக்குவதற்கான சட்டப்பிரிவு 370 ஒரு தற்காலிக விதி என்று தீர்ப்பளித்தது.
அதுமட்டுமின்றி 1947இல், ஜம்மு-காஷ்மீர் அரசாட்சியில் இருந்து விடுபட்டு, இந்தியாவுடன் இணைந்தபோது, அது இறையாண்மையைத் தக்க வைத்துக் கொள்ளவில்லை. அது இந்தியாவுடன் இணைந்த தருணத்தில், அதன் அரசியலமைப்புச் சபை இல்லை என்று உச்ச நீதிமன்றம் கூறியது.
"ஜே&கே அரசியலமைப்பு சபை என்பது நிரந்தர அமைப்பாக இருப்பதற்காக உருவாக்கப்படவில்லை. அரசியலமைப்பை உருவாக்கும் வரை மட்டுமே இது செயல்பாட்டில் இருப்பதாக உருவாக்கப்பட்டது" என்று உச்ச நீதிமன்றம் கூறியது.
card 3
எதற்காக சிறப்பு அந்தஸ்து வேண்டும் என கேள்வி
உச்ச நீதிமன்றம் தனது தீர்ப்பில், மேலும் "எவ்வாறாயினும், மாநிலத்திற்கு "உள் இறையாண்மை" இல்லாதபோது, இந்தியாவுடன் இணைந்த பிறகும், ஜம்மு காஷ்மீர் ஏன் சிறப்பு அந்தஸ்தை இன்னும் அனுபவித்து வருகிறது?" என கேள்வி கேட்டது.
"அரசியல் நிர்ணய சபை இல்லாதபோது, 370வது பிரிவு அறிமுகப்படுத்தப்பட்டதன் முக்கிய நிபந்தனையும் இல்லாமல் போனது" என்று உச்ச நீதிமன்றம் குறிப்பிட்டுள்ளது.
இந்திய தலைமை நீதிபதி டிஒய் சந்திரசூட், நீதிபதிகள் சஞ்சய் கிஷன் கவுல், சஞ்சீவ் கண்ணா, பிஆர் கவாய் மற்றும் சூர்யா காந்த் ஆகியோர் அடங்கிய அமர்வு 3 விதமான தீர்ப்புகளை வழங்கியுள்ளது.
இருப்பினும் இவர்கள் அனைவரும், பிரிவு 370 ரத்து தொடர்பான விவகாரத்தில் ஒரே மாதிரியான தீர்ப்பு வழங்கியுள்ளது குறிப்பிடத்தக்கது.