தமிழகம் மற்றும் புதுச்சேரியில் இன்று முதல் 28ம் தேதி வரை லேசான மழை

எழுதியவர் Venkatalakshmi V

Jun 23, 2025

08:16 am

செய்தி முன்னோட்டம்

தமிழகம் மற்றும் புதுச்சேரியில் இன்று (ஜூன் 23) முதல் வரும் 28 ஆம் தேதி வரை லேசானது முதல் மிதமான அளவிலான மழை பெய்யக்கூடும் என சென்னை வானிலை ஆய்வு மையம் தெரிவித்துள்ளது. வானிலை மையம் வெளியிட்டுள்ள அறிக்கையில் கூறப்பட்டுள்ளதாவது: தமிழகத்தில் கடந்த 24 மணி நேரத்தில் (நேற்று காலை வரை) சில இடங்களில் மழை பதிவாகியுள்ளது. இதில் நீலகிரி மாவட்டம் அவலாஞ்சியில் அதிகபட்சமாக 2 செ.மீ. மழை அளிக்கப்பட்டது. இதனை தொடர்ந்து கோவை மாவட்டத்தின் சின்னக்கல்லார், வால்பாறை, சின்கோனா பகுதிகள், திருவள்ளூர் மாவட்டத்தின் பள்ளிப்பட்டு மற்றும் வேலூர் மாவட்டத்தின் பொன்னை அணையில் தலா 1 செ.மீ. மழை பதிவாகியுள்ளது.

ட்விட்டர் அஞ்சல்

Twitter Post

#NewsUpdate | கோவையில் நள்ளிரவு முதல் தற்போது வரை மிதமான மழை பெய்து வருகிறது#SunNews | #Coimbatore | #TNRains pic.twitter.com/kbajoGRK2R
— Sun News (@sunnewstamil) June 23, 2025

வெப்பநிலை

வெப்பநிலையில் மாற்றம் இல்லை

மேற்கு திசை காற்றின் வேகத்தில் ஏற்பட்டுள்ள மாற்றம் காரணமாக, தமிழகம், புதுச்சேரி மற்றும் காரைக்கால் பகுதிகளில் சில இடங்களில் இன்று முதல் 28ம் தேதி வரை லேசான அல்லது மிதமான மழை பெய்யக்கூடும் எனவும் தெரிவிக்கப்பட்டுள்ளது. மேலும், ஜூன் 26 வரை அதிகபட்ச வெப்பநிலையில் கணிசமான மாற்றம் இருக்க வாய்ப்பு இல்லை எனவும் அறிக்கையில் குறிப்பிடப்பட்டுள்ளது. சென்னை நகரத்தில் வானம் பகுதி மேகமூட்டத்துடன் காணப்படும். நகரின் சில பகுதிகளில் லேசான மழை ஏற்படக்கூடும். கடலோர பகுதிகளில் ஜூன் 26 வரை மீனவர்களுக்கு எச்சரிக்கைகள் எதுவும் இல்லை என்றும் தெரிவிக்கப்பட்டுள்ளது.