பிரஜ்வல் ரேவண்ணாவின் டிப்ளமேடிக் பாஸ்ப்போர்ட்டை ரத்து செய்ய MEA நடவடிக்கை
செய்தி முன்னோட்டம்
பாலியல் துஷ்பிரயோக குற்றச்சாட்டுகளை எதிர்கொண்டு தற்போது ஜெர்மனியில் தலைமறைவாக உள்ள சஸ்பெண்ட் செய்யப்பட்ட ஜனதா தள (மதச்சார்பற்ற) தலைவர் எம்பி பிரஜ்வல் ரேவண்ணாவின் டிப்ளமேடிக் பாஸ்போர்ட்டை ரத்து செய்யுமாறு கர்நாடக அரசின் கோரிக்கையை, வெளியுறவு அமைச்சகம் (MEA) செயல்படுத்துகிறது.
இதற்கான அதிகாரபூர்வ கோரிக்கை செவ்வாய்கிழமை அன்று முறையாகப் பெறப்பட்டது எனத்தெரிவிக்கப்பட்டுள்ளது.
1967ஆம் ஆண்டின் பாஸ்போர்ட் சட்டம் மற்றும் தொடர்புடைய விதிமுறைகளின் கீழ் இந்த செயல்முறை மேற்கொள்ளப்படுகிறது.
எனினும் இந்த செயல்முறையின் காலஅளவு தெளிவாக இல்லை.
மே 2 அன்று, அவர் தனது டிப்ளமேடிக் பாஸ்போர்ட்டைப் பயன்படுத்தி ஜெர்மனிக்கு பயணம் செய்ததை MEA உறுதிப்படுத்தியது. ஆனால் அவரது விசாவை எளிதாக்குவதில் தங்களுக்கு எந்தப் பங்கும் இல்லை என்பதையும் தெளிவுபடுத்தியது.
அரசு நடவடிக்கை
ரேவண்ணாவின் பாஸ்போர்ட்டை ரத்து செய்யுமாறு மத்திய அரசை கர்நாடக அரசு வலியுறுத்தியுள்ளது
அமைச்சகத்தின் செய்தித்தொடர்பாளர் ரந்தீர் ஜெய்ஸ்வால் கூறுகையில், பாஸ்போர்ட் சட்டத்தின்படி, நீதிமன்றத்தின் உத்தரவுப்படி மட்டுமே பாஸ்போர்ட்டை ரத்து செய்ய முடியும்.
ரேவண்ணாவின் பாஸ்போர்ட்டை ரத்து செய்ய மத்திய அரசை மாநில அரசு வலியுறுத்தியுள்ளதாக கர்நாடக உள்துறை அமைச்சர் ஜி பரமேஸ்வரா செவ்வாய்க்கிழமை அறிவித்தார்.
முன்னாள் பிரதமர் எச்.டி.தேவே கவுடாவின் பேரன்—சமீபத்தில் மக்களவைத் தேர்தலில் ஹாசனில் போட்டியிட்டவர்— கிரிமினல் மிரட்டல், பாலியல் துன்புறுத்தல் மற்றும் பல பெண்களுடன் பாலியல் செயல்களில் ஈடுபடுவதைக் காட்டும் ஆயிரக்கணக்கான வீடியோக்கள் வெளியானதைத் தொடர்ந்து அவர் மீது வழக்கு பதியப்பட்டது.முன்னதாக, எஸ்ஐடி லுக் அவுட் சுற்றறிக்கையை வெளியிட்டது. அதே நேரத்தில் இன்டர்போல் எஸ்ஐடியின் கோரிக்கைக்கு பதிலளிக்கும் வகையில் எம்பியின் இருப்பிடம் குறித்த தகவல்களைக் கோரி "ப்ளூ கார்னர் நோட்டீஸ்" வெளியிட்டது.