பெங்களூர் முழு அடைப்பு- பொதுமக்களின் இயல்பு வாழ்க்கையில் பாதிப்பு இல்லை
செய்தி முன்னோட்டம்
தமிழகத்திற்கு காவிரி நீரை திறந்து விடுவதற்கு எதிர்ப்பு தெரிவித்து பெங்களூரில் நேற்று (செப்டம்பர் 26) முழு அடைப்பிற்கு அழைப்பு விடுக்கப்பட்டு இருந்தது.
இந்நிலையில் நேற்று ஆட்டோ, மெட்ரோ ரயில், பேருந்துகள் வழக்கம் போல் இயங்கின.
முழு அடைப்பு போராட்டத்தை அடுத்து பெங்களூருவில் பள்ளிகள் மற்றும் கல்லூரிகளுக்கு நேற்று(செப்டம்பர் 26) விடுமுறை அளிக்கப்பட்டிருந்தது.
சில மென்பொருள் நிறுவனங்கள் வழக்கம் போல் இயங்கின. சில நிறுவனங்கள் தங்களது பணியாளர்களை வீட்டிலிருந்து பணி செய்ய கேட்டுக்கொண்டது.
அதே சமயத்தில் தொழிற்சாலைகள், அரசு அலுவலகங்கள், பொது போக்குவரத்து, வாடகை கார், ஆட்டோ மற்றும் உணவகங்கள் வழக்கம் போல் இயங்கின.
இதனால் பெங்களூரில் பொதுமக்களின் இயல்பு வாழ்க்கை பாதிக்கப்படவில்லை.
2nd card
செப்டம்பர் 29 இல் கர்நாடகாவில் மீண்டும் முழு அடைப்பு
நேற்று நடைபெற்ற முழு அடைப்பிற்கு கன்னட நதிநீர் பாதுகாப்பு குழு தலைவர் குருபூர் சாந்தகுமார் அழைப்பு விடுத்திருந்தார். இந்த முழு அடைப்பிற்கு கன்னட ரக்ஷன வேதிகே முதலிய 100 அமைப்புகள் ஆதரவு தெரிவித்திருந்தன.
அதே சமயம் கர்நாடகாவில் முக்கிய தலைவராக பார்க்கப்படும் கன்னட சலுவளி வாட்டாள் கட்சியின் தலைவர், வாட்டாள் நாகராஜ் இந்த அடைப்பிற்கு ஆதரவளிக்கவில்லை.
தற்போது, விவசாயிகள் கூட்டமைப்பு, கன்னட ஜல சம்ரக்ஷன சமிதி உள்ளிட்ட அமைப்புகள் சார்பில் வரும் 29ஆம் தேதி கர்நாடகா மாநிலத்தில் முழு அடைப்புக்கு அழைப்பு விடுக்கப்பட்டுள்ளது குறிப்பிடத்தக்கது.