CAA: 2024 க்குள் இந்தியா வந்த சிறுபான்மையினர் தொடர்ந்து தங்க அனுமதி வழங்கிய மத்திய அரசு
செய்தி முன்னோட்டம்
மதத் துன்புறுத்தலில் இருந்து தப்பிக்க டிசம்பர் 31, 2024 வரை இந்தியாவிற்கு வந்த மற்ற நாட்டை சேர்ந்த சிறுபான்மையினர் தங்குவதற்கு மத்திய அரசு அனுமதி வழங்கியுள்ளது. ஆப்கானிஸ்தான், வங்கதேசம் மற்றும் பாகிஸ்தானை சேர்ந்த இந்துக்கள், சீக்கியர்கள், பௌத்தர்கள், சமணர்கள், பார்சிகள் மற்றும் கிறிஸ்தவர்கள் ஆகிய சிறுபான்மை சமூகங்களைச் சேர்ந்தவர்கள், பாஸ்போர்ட் அல்லது பிற பயண ஆவணங்கள் இல்லாமல் நாட்டில் தங்க அனுமதிக்கப்படுவார்கள் என்று மத்திய உள்துறை அமைச்சகம் தெரிவித்துள்ளது. கடந்த ஆண்டு நடைமுறைக்கு வந்த குடியுரிமை (திருத்த) சட்டத்தின் (CAA) படி, டிசம்பர் 31, 2014 அன்று அல்லது அதற்கு முன்னர் இந்தியாவிற்கு வந்த இந்த துன்புறுத்தப்பட்ட சிறுபான்மையினரின் உறுப்பினர்களுக்கு இந்திய குடியுரிமை வழங்கப்படும்.
குடியுரிமை (திருத்த) சட்டம்
"விசா வைத்திருப்பதற்கான விதியிலிருந்து விலக்கு அளிக்கப்படும்"
சமீபத்தில் அமல்படுத்தப்பட்ட குடிவரவு மற்றும் வெளிநாட்டினர் சட்டம், 2025இன் கீழ் பிறப்பிக்கப்பட்ட இந்த குறிப்பிடத்தக்க உத்தரவு, 2014க்குப் பிறகு இந்தியாவிற்குள் நுழைந்த ஏராளமான மக்களுக்கு, குறிப்பாக பாகிஸ்தானில் இருந்து வந்த இந்துக்களுக்கு ஒரு நிவாரணமாக இருக்கும். "இந்தியாவில் தஞ்சம் புகுந்து டிசம்பர் 31, 2024 அன்று அல்லது அதற்கு முன்பு பாஸ்போர்ட் அல்லது பிற பயண ஆவணங்கள் உள்ளிட்ட செல்லுபடியாகும் ஆவணங்கள் இல்லாமல் அல்லது பாஸ்போர்ட் அல்லது பிற பயண ஆவணங்கள் உள்ளிட்ட செல்லுபடியாகும் ஆவணங்களுடன் நாட்டிற்குள் நுழைந்து, அத்தகைய ஆவணங்களின் செல்லுபடியாகும் காலம் காலாவதியாகிவிட்டால், அத்தகைய பாஸ்போர்ட் மற்றும் விசா வைத்திருப்பதற்கான விதியிலிருந்து விலக்கு அளிக்கப்படும்" என்று உள்துறை அமைச்சகம் பிறப்பித்த உத்தரவில் தெரிவிக்கப்பட்டுள்ளது.