டெல்லி உள்ளிட்ட வடமாநிலங்களுக்கு செல்லும் 38 ரயில்கள் ரத்து
செய்தி முன்னோட்டம்
வரும் 2024ம் ஆண்டு ஜனவரி மற்றும் பிப்ரவரி மாதங்களில் தமிழ்நாடு, கேரளா உள்ளிட்ட மாநிலங்களில் இருந்து டெல்லி உள்ளிட்ட வடமாநிலங்கள் செல்லும் 38 ரயில்கள் முழுவதுமாக ரத்து செய்யப்படும் என்று அறிவிப்பு வெளியாகியுள்ளது.
இது குறித்து தெற்கு ரயில்வே வெளியிட்டுள்ள செய்தி குறிப்பில், உத்தரப்பிரதேசம் மாநிலம், மதுரா ரயில் நிலையத்தில் வடக்கு ரயில்வே சார்பில் மறுசீரமைப்பு பணிகள் மேற்கொள்ளப்படுகிறது.
ரத்து
தென்மாவட்டங்களில் இருந்து செல்லும் ரயில்கள் ரத்து
இதன் காரணமாக அவ்வழியே சென்னை, மதுரை, கோவை மற்றும் கேரளாவின் கொச்சுவேலியில் இருந்து செல்லும் 38 ரயில்களின் சேவைகள் ரத்து செய்யப்படுகிறது என்று கூறப்பட்டுள்ளது.
இந்த அறிவிப்பின் படி, சென்னை சென்ட்ரலில் இருந்து டெல்லிக்கு செல்லும் துரந்தோ விரைவு ரயில் ஜனவரி 15ம் தேதி முதல் பிப்.,3ம் தேதி வரையும், ராஜ்தானி விரைவு ரயில் ஜனவரி 31 முதல் பிப்.,4ம் தேதி வரையும், கரீப் ரத் விரைவு ரயில் ஜனவரி 16 முதல் பிப்.,3 வரையும் முழுவதுமாக ரத்து செய்யப்படும் என்று கூறப்பட்டுள்ளது.
ரத்து
மில்லினியம் விரைவு ரயில் சுமார் 1 மாதம் வரை ரத்து
இதனை தொடர்ந்து மதுரையில் இருந்து புறப்படும் சம்பர்க் கிராந்தி விரைவு ரயில் ஜன.16 முதல் பிப்.,6 வரையும், கோவையில் இருந்து புறப்படும் கொங்கு ரயில் ஜன.,21 முதல் ஜன.,31 வரையும், கன்னியாகுமாரி-டெல்லி திருக்கு விரைவுரயில் ஜன.,10 முதல் பிப்.,2 வரையும், புதுச்சேரியில் இருந்து டெல்லி கிளம்பும் அதிவிரைவு ரயில் ஜன.,21 முதல் பிப்.,7 வரையும் ரத்து செய்யப்படுகிறது.
மேலும், திருவனந்தபுரம்-டெல்லி செல்லும் அதிவிரைவு ரயில் ஜன.,13 முதல் பிப்.,5 வரையும், மில்லினியம் விரைவு ரயில் ஜன.,6 முதல் பிப்.,6 வரையும் ரத்து செய்யப்பட்டுள்ளது.
ஜன.,10 முதல் பிப்.,5 வரை மதுரை-சண்டிகர் விரைவு ரயிலும் ரத்து செய்யப்படுவதாக செய்திகள் தெரிவிக்கிறது
மாற்று பாதை
ஆக்ராவிலிருந்து மாற்றுப்பாதையில் இயக்கப்படவுள்ள ரயில்கள்
தொடர்ந்து, ஜன.,27 முதல் பிப்.,5 வரை கேரள அதிவிரைவு ரயிலும் ரத்து செய்யப்பட்டுள்ளது.
எர்ணாகுளம்-டெல்லி செல்லும் அதிவிரைவு ரயில் ஜன.,10 முதல் பிப்.,2 வரையும், விரைவு ரயிலான கொச்சுவேலி-அமிர்தசரஸ் செல்லும் ரயில் ஜன.,14 முதல் பிப்.,7 வரையிலும் ரத்து செய்யப்படுவதாக கூறப்பட்டுள்ளது.
இதனிடையே கொச்சுவேலி சம்பர்க் கிராந்தி விரைவு ரயில், சென்னை-டெல்லி தமிழ்நாடு விரைவு ரயில் மங்களா லட்சத்தீவு விரைவு ரயில் உள்ளிட்டவைகளுக்கு ஆக்ரா நிறுத்தத்தில் இருந்து மாற்று பாதையில் இயக்கப்படும் என்றும் கூறப்பட்டுள்ளது.
புனித ஸ்தலம்
புனித ஸ்தலங்களுக்கு செல்லும் ரயில்களும் ரத்து
இதனையடுத்து புனித ஸ்தலமான ஸ்ரீ வைஷ்ணவ தேவி கேந்த்ராவுக்கு கன்னியாகுமாரியில் இருந்து இயக்கப்படும் விரைவு ரயிலான ஹிம்சாகர் ஜன.,12 முதல் பிப்.,5 வரையும், நெல்லையில் இருந்து செல்லும் விரைவு ரயில் ஜன.,8 முதல் பிப்.,1 வரையும், சென்னை சென்ட்ரலில் இருந்து புறப்படும் அந்தமான் விரைவு ரயில் ஜன.,10 முதல் பிப்.,6ம் தேதி வரையும் ரத்து செய்யப்பட்டுள்ளது.
அதே போல், ஜன.,12 முதல் பிப்.,5 வரை ரிஷிகேஷுக்கு கேரளா கொச்சுவேலி பகுதியில் இருந்து புறப்படும் அதிவிரைவு ரயில் ரத்து செய்யப்படுவதாகவும் தகவல்கள் வெளியாகியுள்ளன.