Loading...
வீட்டிற்கே வந்து வெற்றிமாறன் கூறிய 'நல்ல செய்தி': லிடியன் நாதஸ்வரம் வெளியிட்ட தகவல்
இயக்குநர் வெற்றிமாறன் உடன் லிடியன்

வீட்டிற்கே வந்து வெற்றிமாறன் கூறிய 'நல்ல செய்தி': லிடியன் நாதஸ்வரம் வெளியிட்ட தகவல்

எழுதியவர் Venkatalakshmi V
Nov 19, 2026
12:16 pm

செய்தி முன்னோட்டம்

இயக்குநர் வெற்றிமாறன் இயக்கத்தில் சிலம்பரசன் நடிக்கும் 'அரசன்' திரைப்படத்தில், கால்ஷீட் பிரச்சினை காரணமாக இசையமைப்பாளர் அனிருத் விலகிவிட்டதாகவும், அவருக்கு பதிலாக புகழ்பெற்ற இளம் பியானோ கலைஞர் லிடியன் நாதஸ்வரம் ஒப்பந்தம் செய்யப்பட்டுள்ளதாகவும் சமூக வலைதளங்களில் தகவல் பரவியது. இந்நிலையில், இந்த வதந்திகளுக்கு முற்றுப்புள்ளி வைக்கும் விதமாக லிடியன் விளக்கம் அளித்துள்ளார். அனிருத் மீது தனக்கு மிகுந்த மரியாதை இருப்பதாக தெரிவித்துள்ள லிடியன்,"மற்றொருவருக்கு உரிய சிம்மாசனத்தைக் கேட்கவோ அல்லது பகிர்ந்து கொள்ளவோ நான் ஒருபோதும் நினைத்ததில்லை" என்று குறிப்பிட்டுள்ளார். அதே சமயம், இயக்குநர் வெற்றிமாறன் தனது இல்லத்திற்கு நேரில் வந்து "நல்ல செய்தி" ஒன்றைப் பகிர்ந்து கொண்டதை உறுதிப்படுத்தியுள்ள லிடியன், அவருடன் எடுத்துக்கொண்ட புகைப்படத்தையும் சமூக வலைதளத்தில் பகிர்ந்துள்ளார்.

ட்விட்டர் அஞ்சல்

Twitter Post

தமிழ் சினிமா

வெற்றிமாறன் தயாரிப்பு - பாலா இயக்கத்தில் தமிழ் சினிமாவில் அறிமுகமாகும் லிடியன்

லிடியன் நாதஸ்வரம் தமிழ் சினிமாவில் இசையமைப்பாளராக அறிமுகமாவது உண்மைதான் என்றாலும், அது 'அரசன்' படத்திற்காக அல்ல எனத் திரையுலக வட்டாரங்கள் தெரிவிக்கின்றன.

வெற்றிமாறன் தயாரிப்பில், இயக்குநர் பாலா இயக்கும் புதிய திரைப்படத்திற்கு லிடியன் நாதஸ்வரம் இசையமைப்பாளராக ஒப்பந்தம் செய்யப்பட்டுள்ளார். இப்படத்திற்காக அவர் ஏற்கனவே 4 பாடல்களுக்கு இசையமைத்து முடித்துவிட்டதாகவும் கூறப்படுகிறது.

லிடியனின் இசைத் திறமையால் ஈர்க்கப்பட்ட வெற்றிமாறன், தமிழ் சினிமாவில் அவரது அறிமுகத்திற்கு பக்கபலமாக இருப்பதோடு, தனது அடுத்தடுத்த படங்களிலும் அவரை பயன்படுத்தத் திட்டமிட்டுள்ளதாகக் கூறப்படுகிறது.

ADVERTISEMENT

பின்னணி

யார் இந்த லிடியன் நாதஸ்வரம்?

சென்னையை சேர்ந்த லிடியன் நாதஸ்வரம், ஏ.ஆர். ரஹ்மானின் 'கே.எம். மியூசிக் கன்சர்வேட்டரியில்' பயின்றவர் மற்றும் இளையராஜாவின் ஒரே நேரடி மாணவர் என்ற பெருமைக்குரியவர்.

2019-ஆம் ஆண்டில் தனது 13-வது வயதில், அமெரிக்காவின் சிபிஎஸ் தொலைக்காட்சி நடத்திய 'தி வேர்ல்ட்ஸ் பெஸ்ட்' இசைப் போட்டியில் பங்கேற்று 1 மில்லியன் டாலர் (சுமார் ரூ.8 கோடி) பரிசுத் தொகையை வென்று உலகையே திரும்பிப் பார்க்க வைத்தார்.

மலையாளத்தில் மோகன்லால் இயக்கி நடித்த 'பரோஸ்' படத்தில் இசையமைப்பாளராக பணியாற்றிய லிடியன், 'அட்கன் சட்கன்' என்ற இந்தி இசைத் திரைப்படத்திலும் நடித்துள்ளார்.

மேலும், 1,330 திருக்குறள்களுக்கும் இசையமைத்து 'திருக்குறள் 1330' என்ற பிரம்மாண்ட இசைத் தொகுப்பை உருவாக்கியுள்ளதோடு, லண்டன் சிம்பொனி ஆர்கெஸ்ட்ராவுடன் இணைந்து தனது முதல் சிம்பொனியையும் அரங்கேற்றியுள்ளார்.

ADVERTISEMENT