இந்தியன் 3 திரைப்படம் மீண்டும் தொடக்கம்: கமலஹாசன் ரசிகர்களுக்கு லைகா நிறுவனம் அளித்த புதிய அப்டேட்
செய்தி முன்னோட்டம்
பிரமாண்ட இயக்குநர் ஷங்கர் இயக்கத்தில் உலகநாயகன் கமலஹாசன் நடிப்பில் உருவான 'இந்தியன் 2' திரைப்படத்தின் தொடர்ச்சியான 'இந்தியன் 3' திரைப்படம் கைவிடப்பட்டுவிட்டதாகப் பரவி வந்த வதந்திகளுக்கு முற்றுப்புள்ளி வைக்கும் வகையில், அத்திரைப்படத்தின் பணிகள் மீண்டும் தீவிரமடைந்துள்ளதாக அறிவிக்கப்பட்டுள்ளது. கடந்த ஆண்டு வெளியான 'இந்தியன் 2' திரைப்படம் எதிர்பார்த்த வெற்றியை பெறத் தவறியதைத் தொடர்ந்து, படத்தின் மூன்றாம் பாகமான 'இந்தியன் 3' திரையரங்குகளில் வெளியாகாமல் நேரடியாக ஓடிடி தளத்தில் மட்டுமே வெளியாகும் அல்லது முற்றிலும் கைவிடப்படும் என்று பல்வேறு தகவல்கள் சமூக வலைதளங்களில் உலா வந்தன. இருப்பினும், இப்படத்தின் படப்பிடிப்பு மற்றும் பின்னணித் தயாரிப்புப் பணிகள் ஏற்கனவே 80 சதவீதத்திற்கும் மேல் முடிவடைந்துவிட்டதால், மீதமுள்ள பணிகளை முடித்து திரையரங்குகளில் வெளியிடப் படக்குழுவினர் முடிவு செய்துள்ளனர்.
ட்விட்டர் அஞ்சல்
Twitter Post
Senapathy is back with zero tolerance. 🔥 The resurgence begins in #Indian3 🇮🇳 War Mode. ⚔️
— Lyca Productions (@LycaProductions) October 8, 2026
Ulaganayagan @ikamalhaasan @shankarshanmugh @LycaProductions #Subaskaran @gkmtamilkumaran @anirudhofficial #Siddharth @MSKajalAggarwal @priya_Bshankar @actorsimha @iam_SJSuryah… pic.twitter.com/3LgJ4WtCKz
கதை
பிரம்மாண்டமான வரலாற்று பின்னணிக் கதை
'இந்தியன் 3' திரைப்படத்தில் சுதந்திரப் போராட்டக் கால பின்னணியில் வீராசேகரன் சேனாபதி எனும் கதாபாத்திரத்தில் கமலஹாசன் நடித்துள்ளார்.
இரண்டாம் பாகத்தின் இறுதியிலேயே இதன் முன்னோட்டக் காட்சிகள் சேர்க்கப்பட்டு ரசிகர்கள் மத்தியில் பெரும் எதிர்பார்ப்பை ஏற்படுத்தின.
மேலும், இப்படத்தில் காஜல் அகர்வால், எஸ்.ஜே.சூர்யா, பாபி சிம்ஹா மற்றும் பிரியா பவானி சங்கர் உள்ளிட்ட பலர் முக்கியக் கதாபாத்திரங்களில் நடித்துள்ளனர்.
தயாரிப்பு நிறுவனமான லைகா புரொடக்ஷன்ஸ் மற்றும் இயக்குநர் ஷங்கர் தரப்பில் 'இந்தியன் 3' திரைப்படத்தை மீண்டும் திரையரங்குகளில் வெளியிடுவதற்கான இறுதிக்கட்ட வேலைகள் முடுக்கப்பட்டுள்ள போதிலும், இதன் அதிகாரப்பூர்வ வெளியீட்டுத் தேதி இன்னும் அறிவிக்கப்படவில்லை.
படத்தின் VFX தொழில்நுட்பப் பணிகள் முழுமையாக முடிவடைந்த பின்னரே ரிலீஸ் தேதி குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.