தீபாவளிக்கு OTTயில், திரையரங்குகளில் வெளியாகவுள்ள படங்கள் இவைதான்!
வரும் அக்டோபர் 31 அன்று தீபாவளி கொண்டாடப்படவுள்ளது. பொதுவாக இது போன்ற விழாக்களின் போது திரைப்படங்களை வெளியிடுவது எழுதப்படாத விதி. அந்த வகையில் இந்த ஆண்டும் பல திரைப்படங்கள் திரையரங்குகளிலும், ஓடிடியிலும் வெளியாகவுள்ளது. முதலில் ஓடிடியில் வெளியாகவுள்ள படங்களை பற்றி பார்க்கலாம். தங்கலான் பா.ரஞ்சித் இயக்கத்தில் கடந்த ஆகஸ்ட் 15-ந்தேதி வெளியானது 'தங்கலான்' திரைப்படம். இதில், சீயான் விக்ரம், மாளவிகா மோகனன், பார்வதி, பசுபதி போன்ற நட்சத்திர நடிகர்கள் நடித்துள்ளனர். படம் வசூல்ரீதியாக பெரிய வெற்றி அடையவில்லை என்றாலும், விக்ரமின் நடிப்பு பலராலும் பாராட்டப்பட்டது. எனினும், இப்படம் தற்போது வரை ஓடிடியில் வெளியாகவில்லை. இப்போது, இது இன்னும் ஓடிடியில் வெளியாகவில்லை. ஆனால், தீபாவளியை முன்னிட்டு 'தங்கலான்' ஓடிடியில் ரிலீஸ் செய்யப்படுவதாக தகவல்கள் வெளியாகியுள்ளன.
OTT வெளியீடுகள்
மெய்யழகன்: பிரேம்குமார் இயக்கத்தில் கார்த்தி நடிப்பில் வெளியான 'மெய்யழகன்' திரைப்படம் வரும் அக்டோபர் 25ஆம் தேதி நெட்பிளிக்ஸ் ஓடிடி தளத்தில் ரிலீஸ் செய்யப்பட இருப்பதாக தகவல்கள் வெளியாகியுள்ளன. விமர்சனரீதியாக இப்படம் பெரும் வரவேற்பை பெற்றது. லப்பர் பந்து: ஹரிஷ் கல்யாண், அட்டகத்தி தினேஷ் நடிப்பில் வெளியாகி ரசிகர்கள் மத்தியில் அமோக வரவேற்பை பெற்ற படம் 'லப்பர் பந்து'. ரஜினியின் 'வேட்டையன்' அலைக்கு மத்தியிலும் தற்போதும் திரையரங்குகளில் வெற்றிகரமாக ஓடி வருகிறது 'லப்பர் பந்து'. கடந்த அக்டோபர் 18ஆம் தேதியே ஓடிடியில் ரிலீசாக இருந்த இப்படம் தியேட்டரில் இன்னமும் வெற்றிகரமாக ஓடி வருவதால் ஓடிடி ரிலீஸ் தள்ளி வைக்கப்பட்டது. இந்நிலையில் 'லப்பர் பந்து' படம் தீபாவளியை முன்னிட்டு ஓடிடியில் ரிலீஸ் ஆகவுள்ளதாக தகவல்கள் வெளியாகியுள்ளன.
தீபாவளி தியேட்டர் வெளியீடுகள்
இந்த வருடம் தீபாவளியை முன்னிட்டு திரையரங்குகளில் மூன்று படங்கள் ரிலீஸ் ஆகவிருக்கின்றன. சிவகார்த்திகேயன் நடிப்பில் பெரும் எதிர்பார்ப்புகளுக்கு மத்தியில் உருவாகியுள்ள 'அமரன்', கவினின் 'ப்ளடி பெக்கர்' மற்றும் ஜெயம் ரவியின் 'பிரதர்' ஆகிய படங்கள் வெளியாக இருக்கின்றன. அத்துடன் துல்கர் சல்மானின் 'லக்கி பாஸ்கர்' படமும் திரையரங்குகளில் ரிலீஸ் ஆகவிருப்பது குறிப்பிடத்தக்கது. அத்துடன் ஹிப் ஹாப் ஆதியின் 'கடைசி உலகப் போர்' மற்றும் சீனு இராமசாமியின் 'கோழிப்பண்ணை செல்லத்துரை' ஆகிய படங்களும் இந்த வாரம் OTTயில் ரிலீஸ் ஆகவுள்ளதாக தகவல்கள் வெளியாகியுள்ளன.
