தென் கொரியாவில் வகுப்பறைகளில் மொபைல் போன்களுக்கு தடை
செய்தி முன்னோட்டம்
தென் கொரியா பள்ளிகளில் வகுப்பு நேரங்களில் மொபைல் போன்கள் மற்றும் ஸ்மார்ட் சாதனங்களைத் தடை செய்யும் மசோதாவை நிறைவேற்றியுள்ளது. மார்ச் 2026 முதல் அமலுக்கு வரும் இந்தச் சட்டம், 163 உறுப்பினர்களில் 115 பேர் ஆதரவாக வாக்களித்து நிறைவேற்றப்பட்டது. இந்த நடவடிக்கை மாணவர்களிடையே ஸ்மார்ட்போன் பழக்கத்தை கட்டுப்படுத்துவதை நோக்கமாக கொண்டுள்ளது. இது பழக்கம் ஒரு போதையை போல கல்வி செயல்திறன் மற்றும் சமூக தொடர்புகளைப் பாதிக்கிறது என்று சட்டமியற்றுபவர்கள், பெற்றோர்கள் மற்றும் ஆசிரியர்கள் கூறுகின்றனர்.
போதைப் பழக்கம் குறித்த கவலைகள்
இளைஞர்களிடையே ஸ்மார்ட்போன் போதை அதிகரித்து வருகிறது
2024 ஆம் ஆண்டு அரசு நடத்திய கணக்கெடுப்பின்படி, தென் கொரியர்களில் கிட்டத்தட்ட கால் பகுதியினர் தங்கள் தொலைபேசிகளை அதிகமாக நம்பியிருப்பதாகக் கண்டறியப்பட்டதை அடுத்து இந்த சட்டம் வந்துள்ளது. 10 முதல் 19 வயதுக்குட்பட்டவர்களில் இந்த எண்ணிக்கை 43% ஆக உயர்கிறது. மூன்றில் ஒரு பங்கிற்கும் அதிகமான டீனேஜர்கள் தங்கள் சமூக ஊடக பயன்பாட்டைக் கட்டுப்படுத்துவதில் சிரமப்படுவதாக ஒப்புக்கொண்டனர். இது படிப்பு, நட்பை வளர்ப்பது மற்றும் பிற செயல்பாடுகளில் தலையிடுவதாக பெற்றோர்கள் கவலைப்படுகிறார்கள்.
கல்வி சார்ந்த கவனம்
பள்ளிகள் மாணவர்களுக்குப் பொறுப்பான பயன்பாட்டைப் பற்றிக் கற்பிக்க வேண்டும் என்று சட்டம் கட்டளையிடுகிறது
இந்தச் சட்டம், ஆசிரியர்கள் பள்ளி வளாகங்களில் தொலைபேசி பயன்பாட்டைக் கட்டுப்படுத்த அதிகாரம் அளிக்கிறது. மேலும் பொறுப்பான ஸ்மார்ட் சாதன பயன்பாட்டைப் பற்றி மாணவர்களுக்குக் கற்பிக்க பள்ளிகளை கட்டாயப்படுத்துகிறது. குறைபாடுகள் அல்லது சிறப்புத் தேவைகள் உள்ள மாணவர்களுக்கும் கல்வி அல்லது அவசரகால நோக்கங்களுக்கும் விலக்கு அளிக்கப்படுகிறது. மசோதாவை அறிமுகப்படுத்திய எதிர்க்கட்சியான மக்கள் சக்தி கட்சியின் எம்.பி.யான சோ ஜங்-ஹுன், ஸ்மார்ட்போன் அடிமையாதல் மாணவர்களின் மூளை வளர்ச்சி மற்றும் உணர்ச்சி வளர்ச்சியில் ஏற்படுத்தும் தீங்கு விளைவிக்கும் "குறிப்பிடத்தக்க அறிவியல் மற்றும் மருத்துவ ஆதாரங்களை" மேற்கோள் காட்டினார்.
ஆசிரியர் குழு
ஆசிரியர் குழுக்களிடமிருந்து பதில்
ஸ்மார்ட்போன் பயன்பாடு காரணமாக வகுப்பறை இடையூறுகள் ஏற்படுவதாகக் கூறி, பழமைவாத கொரிய ஆசிரியர் சங்கக் கூட்டமைப்பு இந்த மசோதாவை ஆதரித்தது. குழுவின் செய்தித் தொடர்பாளர் ஒருவர் கூறுகையில், கிட்டத்தட்ட 70% ஆசிரியர்கள் இதுபோன்ற இடையூறுகளைப் புகாரளித்தனர். இருப்பினும், கொரிய ஆசிரியர்கள் மற்றும் கல்வித் தொழிலாளர்கள் சங்கம் இந்தச் சட்டம் குறித்து இருவேறு கருத்துக்களைக் கொண்டிருந்தனர். ஏனெனில் இது மாணவர்களின் ஸ்மார்ட்போன்களை அணுகும் உரிமைகளை மீறக்கூடும் என்ற கவலையும் தெரிவித்தனர்.
மற்ற நாடுகள்
மற்ற நாடுகளும் இதே போன்ற தடைகளைக் கொண்டுள்ளன
பின்லாந்து, பிரான்ஸ் போன்ற சில நாடுகள் சிறிய அளவில் தொலைபேசிகளைத் தடை செய்துள்ளன. அவை இளம் குழந்தைகளுக்கான பள்ளிகளுக்கு மட்டுமே. இத்தாலி, நெதர்லாந்து மற்றும் சீனா உள்ளிட்ட பிற நாடுகள் அனைத்து பள்ளிகளிலும் தொலைபேசி பயன்பாட்டைத் தடை செய்துள்ளன. இருப்பினும், இதுபோன்ற கட்டுப்பாட்டை சட்டமாக இயற்றிய சில நாடுகளில் தென் கொரியாவும் ஒன்றாகும்.