இஸ்ரேல் ஹமாஸ் போர்- இறுதி நாள் போர் நிறுத்தத்தில் 16 பணய கைதிகளை விடுவித்தது ஹமாஸ்
செய்தி முன்னோட்டம்
இஸ்ரேல் மற்றும் ஹமாசிடையே 6வது நாள் போர் நிறுத்தத்தில், 16 பணய கைதிகளை ஹமாஸ் விடுவித்துள்ள நிலையில், 30 பாலஸ்தீன கைதிகளை இஸ்ரேல் சிலைகளில் இருந்து அந்நாடு விடுவித்தது.
விடுவிக்கப்பட்ட 16 பணய கைதிகளில், 10 இஸ்ரேலிகளும், தாய்லாந்தை சேர்ந்த 4 பேரும், இரண்டு ரஷ்யர்களும் அடங்குவர்.
சுமார் 7 வாரங்களை தொட்ட, இஸ்ரேல் ஹமாஸ் போரில் கடந்த வெள்ளிக்கிழமை அன்று, பல்வேறு நிபந்தனைகளுடன் போர் நிறுத்தம் கையெழுத்தானது.
முதலில், நான்கு நாட்களுக்கு போர் நிறுத்தம் கையெழுத்தான நிலையில், பின்னர் இரண்டு நாட்கள் நீட்டிக்கப்பட்டது குறிப்பிடத்தக்கது.
3rd card
போர் நிறுத்தத்தை நீட்டிக்க முன்மொழியப்பட்ட பணய கைதிகளை விடுவிப்பை மறுத்த இஸ்ரேல்
இந்நிலையில் தற்போது, போர் நிறுத்தத்தை நீட்டிக்க முன்மொழிக்கப்பட்ட பணய கைதிகள் விடுவிப்பை, இஸ்ரேல் மறுத்துள்ளதாக ஹமாஸ் தெரிவித்துள்ளது.
போர் நிறுத்தத்தை நீட்டிக்க, இஸ்ரேலைச் சேர்ந்த 7 பெண்கள் மற்றும் 3 குழந்தைகளையும், இஸ்ரேல் குண்டு வீச்சில் கொல்லப்பட்டதாக ஹமாஸ் கூறும் மூவரின் உடல்களையும் வழங்குவதாக கூறியதை, இஸ்ரேல் நிராகரித்ததாக ஹமாஸ் தெரிவித்துள்ளது.
இது குறித்து உடனடியாக இஸ்ரேல் எதுவும் கருத்து தெரிவிக்காத நிலையில், அறிவிக்கப்பட்ட போர் நிறுத்தம், உள்ளூர் நேரப்படி காலை 7 மணிக்கு(இந்திய நேரப்படி காலை 10:30) மணிக்கு முடிவடைகிறது குறிப்பிடத்தக்கது.
\ 2nd card
போர் நிறுத்தம் நீட்டிக்கப்படுவதற்கு வைக்கப்பட்ட நிபந்தனைகள் என்ன?
அமெரிக்கா உள்ளிட்ட நாடுகள் போர் நிறுத்தத்தை மேலும் நீட்டிக்க வலியுறுத்திய நிலையில், இது குறித்த பேச்சு வார்த்தைகள் கத்தார் நாட்டில் நடைபெற்று வந்தது.
இந்நிலையில், போர் நிறுத்தத்தை தொடர பணய கைதிகளாக பிடித்து வைக்கப்பட்டுள்ள ராணுவ வீரர்களையும் விடுவிக்க வேண்டும் இஸ்ரேல் கேட்டு வந்தது.
அதேசமயம் ஹமாஸும் ராணுவ வீரர்களை விடுவிக்க, இஸ்ரேல் சிறையில் உள்ள அனைத்து பாலஸ்தீனர்களையும் விடுவிக்க வேண்டும் என கோரிக்கையை முன் வைத்தது.
7,000 பாலஸ்தீனர்கள் இஸ்ரேல் சிறைகளில் உள்ள நிலையில், அவர்கள் இதுவரை விடுவிக்கப்பட்ட பெண்கள் மற்றும் குழந்தைகளை விட முக்கியமானவர்கள் என்பது குறிப்பிடத்தக்கது.