அல்-ஷிஃபா மருத்துவமனையில் இருந்து 31 பச்சிளம் குழந்தைகள் பத்திரமாக மீட்பு
செய்தி முன்னோட்டம்
சுற்றி வளைக்கப்பட்ட காசாவின் அல்-ஷிஃபா மருத்துவமனையில் இருந்து 31 பச்சிளம் குழந்தைகள், மீட்பு பணிகள் மூலம் மீட்கப்பட்டுள்ளதாக உலக சுகாதார அமைப்பு தெரிவித்துள்ளது.
தெற்கு காசாவில் உள்ள அல்-ஹெலால் அல்-எமராட்டி மகப்பேறு மருத்துவமனையில், மீட்கப்பட்ட குழந்தைகளுக்கு மருத்துவ சிகிச்சை வழங்கப்பட்டு வருவதாக அல் ஜசீரா செய்தி வெளியிட்டுள்ளது.
"துரதிர்ஷ்டவசமாக, குழந்தைகள் யாரும் குடும்ப உறுப்பினர்களுடன் வரவில்லை. சுகாதார அமைச்சகத்திடம் போதுமான தரவுகள் இல்லாததால் குழந்தைகளின் உறவினர்களை கண்டறிய முடியவில்லை" என ஐநா அமைப்பு கூறுகிறது.
அனைத்து குழந்தைகளும் கடுமையான தொற்றால் பாதிக்கப்பட்டுள்ளனர். இதில் 11 பேர் தற்போது ஆபத்தான நிலையில் உள்ளது குறிப்பிடத்தக்கது.
மேலும், மீட்பு பணிகள் தொடங்குவதற்கு முந்தைய இரவு, இரண்டு குழந்தைகள் உயிரிழந்தனர்.
2nd card
பணைய கைதிகள் காசா மருத்துவமனைக்கு அழைத்துச் செல்லப்படும் வீடியோவை வெளியிட்ட இஸ்ரேல்
கடந்த அக்டோபர் 7 ஆம் தேதி, ஹமாசின் திடீர் ஏவுகணை தாக்குதலுக்கு பின், இஸ்ரேல்-பாலஸ்தீனம் இடையே போர் மூண்டது.
ஹமாஸ் அமைப்பை முழுவதுமாக அழித்தொழிக்கும் வரை ஓயமாட்டோம் என கூறிய இஸ்ரேல், காசா பகுதிக்குள் தரைவழி தாக்குதலை தீவிர்படுத்தி உள்ளது.
காசாவின் மிகப்பெரிய மருத்துவமனையான அல்-ஷிஃபா மருத்துவமனையை, ஹமாஸ் கட்டளை மற்றும் கட்டுப்பாட்டு மையமாக பயன்படுத்துவதாக இஸ்ரேல் குற்றம் சாட்டி வந்த நிலையில், தற்போது பணைய கைதிகள் அங்கு அழைத்துச் செல்லப்பட்டதாக சொல்லப்படும் வீடியோ காட்சிகளை வெளியிட்டுள்ளது.
இருப்பினும், அந்த வீடியோக்களின் உண்மை தன்மையை பெரும்பான்மையான செய்தி நிறுவனங்கள் தற்போது வரை உறுதிப்படுத்தவில்லை.
இந்நிலையில், இஸ்ரேலின் தரைவழி தாக்குதலில் பலியான பாலஸ்தீனியர்களின் எண்ணிக்கை 13,000யை கடந்துள்ளது குறிப்பிடத்தக்கது.
3rd card
எட்டி விடும் தூரத்தில் பணையக் கைதிகள் விடுவிக்கப்படுவதற்கான ஒப்பந்தம்
அக்டோபர் 7ஆம் தேதி, இஸ்ரேலுக்குள் புகுந்த ஹமாஸ் அமைப்பினர், 240க்கும் மேற்பட்டோரை பணைய கைதிகளாக பிடித்துச் சென்றனர்.
அதில் தற்போது வரை, இரண்டு இஸ்ரேலிகள், இரண்டு அமெரிக்கர்கள் என நான்கு பேர் விடுவிக்கப்பட்டுள்ளனர்.
இஸ்ரேல் தாக்குதலில், 40 பணைய கைதிகள் கொல்லப்பட்டுள்ளதாக ஹமாஸ் தெரிவித்துள்ளது.
அமெரிக்காவிற்கான இஸ்ரேலின் தூதர் மைக்கேல் ஹெர்சாக், "வரவிருக்கும் நாட்களில்" ஒரு "குறிப்பிடத்தக்க எண்ணிக்கை" பணையக் கைதிகள் விடுவிக்கப்படலாம் என்று அவர் நம்புவதாகக் கூறினார்.
பணையக் கைதிகள் விடுதலையில் மத்தியஸ்தம் செய்து வரும் கத்தார் அரசும், அவர்கள் விடுவிக்கப்படுவதற்கான ஒப்பந்தம் எட்டுவிடும் தூரத்தில் இருப்பதாக கூறியுள்ளது.
இருப்பினும், இந்த ஒப்பந்தம் குறித்த தகவல்களை அமெரிக்கா உறுதிப்படுத்தவில்லை.