ஸ்போர்ட்ஸ் ரவுண்டுஅப்: இன்றைய ட்ரெண்டிங் விளையாட்டு செய்திகள்
செய்தி முன்னோட்டம்
இந்தியாவில் சுற்று பயணம் மேற்கொண்டு டெஸ்ட் தொடரில் விளையாடி வரும் இங்கிலாந்து அணிக்கு எதிரான 3-வது டெஸ்ட் கிரிக்கெட் போட்டி இன்று ராஜ்கோட்டில் இன்று நடைபெறவுள்ளது.
இன்று காலை 9:30 மணிக்கு போட்டி துவங்கவிருக்கிறது.
இந்தியா-இங்கிலாந்து அணிகளுக்கு இடையிலான 5 டெஸ்ட் போட்டிகள் கொண்ட தொடரில், முதல் ஆட்டத்தில் இங்கிலாந்து அணி, இந்தியாவை வீழ்த்தியது.
அதனை தொடர்ந்து நடைபெற்ற 2-வது ஆட்டத்தில் இந்திய அணி வெற்றி பெற்று பதிலடி கொடுத்தது. இதனால் தொடர் 1-1 என சமநிலையை எட்டியது.
இந்நிலையில் இன்று நடைபெறவுள்ள போட்டி மிகவும் முக்கியத்துவம் வாய்ந்ததாக கருதப்படுகிறது.
வாலிபால்
பிரைம் வாலிபால் லீக்: அகமதாபாத் - சென்னை இன்று மோதல்
பிரைம் வாலிபால் லீக்கின் 3-வது சீசனுக்கான போட்டிகள் இன்று துவங்குகிறது. சென்னை நேரு உள்விளையாட்டு அரங்கில் தொடங்கும் இந்த போட்டிகள், வரும் மார்ச் 21-ஆம் தேதி வரை நடைபெறும்.
இந்தத் தொடரில் நடப்பு சாம்பியன் அகமதாபாத் டிபன்டர்ஸ், பெங்களூரு டார்படோஸ், கோழிக்கோடு ஹீரோஸ், சென்னை பிளிட்ஸ், ஹைதராபாத் பிளாக் ஹாக்ஸ், கொச்சி புளூ ஸ்பைக்கர்ஸ், கொல்கத்தா தண்டர்போல்ட்ஸ், மும்பை மீட்டியார்ஸ், ஆகிய அணிகளுடன் புதிய அறிமுகமாக டெல்லி டூபான்ஸ் அறிமுக அணியாக இணைந்துள்ளது.
இந்த தொடரில் சாம்பியன் பட்டத்தை வெல்வது யார் என்பதை தீர்மானிக்கும் இறுதிப் போட்டி மார்ச் 21-ஆம் தேதி நடைபெறுகிறது.
துவக்க ஆட்டத்தில், இன்று அகமதாபாத் - சென்னை அணிகள் மோதுகின்றன
கிரிக்கெட்
டி 20 உலகக்கோப்பை கிரிக்கெட்: ரோஹித் சர்மா கேப்டன்
எதிர்வரும் டி20 கிரிக்கெட் உலகக் கோப்பை தொடரில், இந்திய கிரிக்கெட் அணியை கேப்டன் ரோஹித் ஷர்மா வழிநடத்துவார் என இந்திய கிரிக்கெட் கட்டுப்பாட்டு வாரியத்தின் செயலாளர் ஜெய் ஷா தெரிவித்துள்ளார்.
நேற்று ராஜ்கோட்டில் நடைபெற்ற நிகழ்வில் அவர் இதனை தெரிவித்தார்.
கடந்த 2022-ஆம் ஆண்டு நடைபெற்ற டி20 உலகக் கோப்பை தொடருக்கு பிறகு மூன்றே மூன்று சர்வதேச டி20 போட்டிகளில் மட்டுமே ரோஹித் ஷர்மா விளையாடிய நிலையில், அவர் அடுத்த போட்டி தொடரை வழிநடத்துவார் என்ற சந்தேகம் எழுந்தது.
இந்த நிலையில் தான், சந்தேகங்களை போக்கி, உறுதிபட தெரிவித்துள்ளார் ஜெய் ஷா.
கால்பந்து
ஐ.எஸ்.எல். கால்பந்து தொடர்: பஞ்சாப் எப்.சி - ஜாம்ஷெட்பூர் அணிகள் மோதல்
12 அணிகள் பங்கேற்றுள்ள 10-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் இந்தியாவின் பல்வேறு நகரங்களில் நடைபெற்று வருகிறது.
இந்த நிலையில் இந்த தொடரில் இன்று இரவு 7.30 மணிக்கு புதுடெல்லியில் உள்ள ஜவஹர்லால் நேரு மைதானத்தில் நடைபெற உள்ள ஆட்டத்தில் பஞ்சாப் எப்.சி - ஜாம்ஷெட்பூர் அணிகள் மோத உள்ளன.