காபி தெரியும், அதென்ன White coffee? ட்ரெண்ட் ஆகும் இந்த புதிய காபி பற்றி மேலும் தெரிந்துகொள்வோம்
செய்தி முன்னோட்டம்
உலகம் எங்கும் காபி பிரியர்கள் ஏராளம் உண்டு. அவர்களை கவரும் வகையில் பல வகையான காபி தயாரிப்புகள் பயன்பாட்டில் உள்ளது. எஸ்பிரெஸ்ஸோ, Latte, பிளாக் காபி, Cappucino போன்ற காபி வகையறாக்கள் வரிசையில் புதிதாக இணைந்திருப்பது இந்த White coffee. முதலில், வெள்ளை காபிக்கும், வெள்ளை நிறத்திற்கும் எந்த சம்மந்தமும் இல்லை! மாறாக, இது காபி கொட்டைகளை வறுக்கும் முறை பற்றியது. சாதாரணமாக காபி டிகாஷன்களுக்கு பயன்படுத்தப்படும் காபி கொட்டைகள், அதிக வெப்பநிலையில் வெறுக்கப்படும். மாறாக, வைட் காபிக்கு பயன்படுத்தப்படும் கொட்டைகள், 325 டிகிரி பாரன்ஹீட்க்கும் குறைந்த வெப்பநிலையில், லேசாக வறுக்கப்படுகின்றன. அப்படி வெறுக்கப்படும் காபி கொட்டைகள், மிகவும் கடினமாக இருக்கும் என்பதால், ஸ்பெஷல் கிரைண்டர்களைப் பயன்படுத்தி அரைக்கப்படுகிறது.
card 2
இது புதிய வகை காபி இல்லை, பல நூற்றாண்டுகளாக புழக்கத்தில் உள்ளது
இந்த காபி வகை அரபு நாடுகளில் தோன்றியதாக கூறுகிறார்கள். அதுமட்டுமின்றி, 200 ஆண்டுகளுக்கும் மேலாக, இந்த வகை காபி, ஏமன் மற்றும் மலேசியாவில் பயன்பாட்டில் இருந்ததற்கான சான்றுகள் உள்ளது. மலேசியர்கள், பல நூற்றாண்டுகளாக தங்கள் தினசரியில் ஒரு பகுதியாக இதை குடித்து வருகின்றனர். காலப்போக்கில், ஜோர்டான், லெபனான் மற்றும் அமெரிக்கா உள்ளிட்ட பல நாடுகள் இதை பின்பற்ற துவங்கியதாக தெரிகிறது. வெள்ளை காபி கொட்டைகள், நிறைந்த அமிலத்தன்மை மற்றும் மிகக் குறைந்த கசப்பைக் கொண்டுள்ளது. ஏனெனில், பீன்ஸ் மிகவும் லேசாக வறுக்கப்படுவதால், அவற்றின் இயற்கையான சர்க்கரைகள் கெடாமல், கரிம அமிலங்களும் பாதுகாக்கப்படுகிறது. அதனால், குடலுக்கும் நல்லது. நெஞ்செரிச்சல் அல்லது வயிற்று வலி போன்ற செரிமான சுகாதார பிரச்சினைகளைத் தவிர்க்க உதவுகிறது.