"தாக்குதலுக்கு காரணமான ஒவ்வொரு பயங்கரவாதிக்கும் கற்பனைக்கு அப்பாற்பட்ட தண்டனை வழங்கப்படும்": சூளுரைத்த பிரதமர்
செய்தி முன்னோட்டம்
ஜம்மு-காஷ்மீரின் பஹல்காமில் நடந்த பயங்கரவாதத் தாக்குதலுக்கு பின் தனது முதல் மற்றும் கடுமையான எதிர்வினையாற்றலில், பிரதமர் மோடி, தாக்குதலுக்குப் பின்னால் உள்ள பயங்கரவாதிகள் மற்றும் சதிகாரர்களுக்கு அவர்களின் கற்பனைக்கு எட்டாத தண்டனை கிடைக்கும் என்று சூளுரைத்தார். பீகாரின் மதுபனியில் நடந்த பேரணியில் உரையாற்றிய பிரதமர் மோடி,'இந்தியா தனது உணர்வைத் தாக்க முயற்சிப்பவர்களை சும்மாவிடாது' என்ற செய்தியை உறுதிப்படக்கூறினார். "இந்தியா ஒவ்வொரு பயங்கரவாதியையும் அவர்களின் ஆதரவாளர்களையும் அடையாளம் கண்டு, கண்காணித்து, தண்டிக்கும். பூமியின் கடைசி வரை அவர்களைத் துரத்துவோம். இந்தியாவின் உணர்வு பயங்கரவாதத்தால் ஒருபோதும் உடைக்கப்படாது" என்று கூறினார். ஏப்ரல் 22ஆம் தேதி பைசரன் புல்வெளிகளில் 26 பேரின் உயிரைப் பறித்த படுகொலை, இந்தியாவின் ஆன்மாவின் மீது நடத்தப்பட்ட தாக்குதல் என்று பிரதமர் கூறினார்.
ட்விட்டர் அஞ்சல்
Twitter Post
#WATCH | On #PahalgamTerroristAttack, PM Modi says, "I want to say in very clear words that these terrorists and those who conspired towards this attack will get a punishment bigger than they can imagine..."
— ANI (@ANI) April 24, 2025
"The entire nation is saddened by the brutality with which terrorists… pic.twitter.com/s7tmCIaHUj
தண்டனை
பயங்கரவாதிகளுக்கு கடுமையான தண்டனை தரப்படும் என மோடி உறுதி
பயங்கரவாதம் தண்டிக்கப்படாமல் போகாது என்றும், படுகொலையில் இழந்த அப்பாவி உயிர்களுக்கு நீதியை உறுதி செய்ய இந்தியா அனைத்து முயற்சிகளையும் மேற்கொள்ளும் என்றும் பிரதமர் மோடி உறுதியளித்தார். தண்டனை மிகவும் கடுமையானதாக இருக்கும், பயங்கரவாதிகள் இதை நினைத்துப் பார்த்திருக்க மாட்டார்கள் என்றும் அவர் மேலும் கூறினார். "இந்த உறுதியில் முழு தேசமும் ஒன்றுபட்டுள்ளது. மனிதநேயத்தில் நம்பிக்கை கொண்ட அனைவரும் எங்களுடன் உள்ளனர்... தண்டனை குறிப்பிடத்தக்கதாகவும் கடுமையானதாகவும் இருக்கும், இந்த பயங்கரவாதிகள் இதைப் பற்றி ஒருபோதும் நினைத்திருக்க மாட்டார்கள்..." என்று பஹல்காமை இரத்தக்களரியாக மாற்றிய பயங்கரவாதிகளுக்கும் அவர்களின் ஆதரவாளர்களுக்கும் அவர் கடுமையான எச்சரிக்கை விடுத்தார்.
ட்விட்டர் அஞ்சல்
Twitter Post
Terrorism will not go unpunished.
— PMO India (@PMOIndia) April 24, 2025
Every effort will be made to ensure that justice is done.
The entire nation is firm in this resolve: PM pic.twitter.com/ojdN6fcEpD