நிதீஷ்குமாரின் "ஹிந்தி தேசிய மொழி" பேச்சுக்கு சத்குரு கண்டனம்
செய்தி முன்னோட்டம்
டெல்லியில் நடந்த 'இந்தியா' கூட்டணி கட்சிகளின் ஆலோசனை கூட்டத்தில், பீகார் முதல்வர் நிதீஷ் குமார், ஹிந்தியை தேசிய மொழி எனக் கூறியதற்கும், தனது உரையை மொழிபெயர்க்க அனுமதி மறுத்ததற்கும், சத்குரு ஜக்கி வாசுதேவ் கண்டனம் தெரிவித்துள்ளார்.
இது குறித்து ட்விட்டரில் பதிவிட்டுள்ள அவர், "ஹிந்துஸ்தான் என்பது இமயமலை மற்றும் இந்து சாகர பகுதிகளுக்கு இடையில் உள்ள நிலப்பரப்பு அல்லது இந்துக்களின் நிலம். ஹிந்தி மொழியின் நிலமல்ல" என தெரிவித்துள்ளார்.
மேலும், அனைத்து மொழிகளுக்கும் சமமான முக்கியத்துவம் வழங்கவே, நாட்டின் மொழிவாரி மாகாணங்கள் பிரிக்கப்பட்டது என்பதை சத்குரு சுட்டிக்காட்டினார்.
2nd card
"அனைத்து மொழிகளையும் மதிக்க வேண்டும்"
ஒரு மொழியை அதைப் பேசும் நபர்களின் எண்ணிக்கையை பொருட்படுத்தாமல், அதை மதிக்க வேண்டும் என நிதீஷ் குமாரை சத்குரு வலியுறுத்தினார்.
"தனது சொந்த மொழி, இலக்கியம் மற்றும் கலாச்சாரத்துடன் தொடர்புடைய பல மாநிலங்கள் இருப்பதால் இதுபோன்ற சாதாரணமான அறிக்கைகளைத் தவிர்க்க உங்களை மரியாதையுடன் கேட்டுக்கொள்கிறேன்" என்று சத்குரு அவரின் டுவிட்டில் தெரிவித்துள்ளார்.
அடுத்த ஆண்டு நடைபெறும் நாடாளுமன்ற தேர்தலில் பாஜகவுக்கு எதிராக எதிர்க்கட்சிகள் சார்பில் இந்தியா கூட்டணி உருவாக்கப்பட்டுள்ளது. இந்த கூட்டணியின் நான்காவது கூட்டம் செவ்வாய்க்கிழமை டெல்லியில் நடைபெற்றது.
3ரd card
"ஹிந்தி தேசிய மொழி"
சுமார் 3 மணி நேரம் நடந்த இந்த கூட்டத்தில், நிதிஷ்குமார் ஹிந்தியில் பேசியதாகவும், அது புரியாததால்,
திமுக எம்பி டி.ஆர் பாலு அதை மொழியாக்கம் செய்ய ராஷ்டிரிய ஜனதா தள கட்சியின் மாநிலங்களவை எம்பி மனோஜ் கே.ஜா இடம் சைகை செய்ததாக கூறப்படுகிறது.
இந்நிலையில், மொழிபெயர்ப்பு செய்ய நிதீஷ் குமார் இடம் மனோஜ் அனுமதி கேட்டார், இதனால் கோபமான நிதீஷ் குமார், ஹிந்தி இந்தியாவின் தேசிய மொழி எனவும், அதை அனைவரும் அறிந்திருக்க வேண்டும் என தெரிவித்ததாக ஊடகங்களில் செய்தி வெளியாகி சர்ச்சையானது குறிப்பிடத்தக்கது.
embed
சத்குருவின் ட்விட்டர் பதிவு
Respected Shri Nitish Kumar ji, Hindustan means the land that lies between the Himalayas and Indu Sagara or the land of Hindus not the land of Hindi language. Linguistic division of states was done with the wisdom that all languages in the country will have same status even... https://t.co/9kOAM3iwvd— Sadhguru (@SadhguruJV) December 20, 2023