பொங்கல் ரயில் டிக்கெட் முன்பதிவு: தொடங்கும் தேதி மற்றும் முழு அட்டவணை விவரம்
செய்தி முன்னோட்டம்
தமிழர் திருநாளான பொங்கல் பண்டிகையை முன்னிட்டு, சொந்த ஊர்களுக்கு செல்லும் பொதுமக்களுக்கான ரயில் டிக்கெட் முன்பதிவு வரும் நவம்பர் 13-ஆம் தேதி (வெள்ளிக்கிழமை) அதிகாரப்பூர்வமாகத் தொடங்குகிறது. ஆண்டுதோறும் பொங்கல் பண்டிகையின்போது வெளியூர்களில் தங்கிப் பணியாற்றுவோர் தங்களது சொந்த ஊர்களுக்கு படையெடுப்பது வழக்கம். நீண்ட தூரப் பயணத்திற்கு பெரும்பாலான பயணிகள் ரயில் போக்குவரத்தையே முதன்மையாக சார்ந்திருப்பதால், நெரிசலைத் தவிர்க்கும் வகையில் 60 நாள்களுக்கு முன்பே இந்த டிக்கெட் முன்பதிவு வசதி நடைமுறைக்கு வருகிறது.
பயண தேதி
முன்பதிவு அட்டவணை
அடுத்த ஆண்டு ஜனவரி 14-ஆம் தேதி போகி பண்டிகையும், ஜனவரி 15-ஆம் தேதி பொங்கல் பண்டிகையும் கொண்டாடப்பட உள்ளன.
இதனால் ஜனவரி 13-ஆம் தேதி பயணம் செய்ய விரும்புவோர் நவம்பர் 14 சனிக்கிழமையும், ஜனவரி 14-ஆம் தேதி பயணிக்கத் திட்டமிடுவோர் நவம்பர் 15 ஞாயிற்றுக்கிழமையும் முன்பதிவு செய்ய வேண்டும்.
தொடர்ந்து ஜனவரி 17 அன்று காணும் பொங்கல் கொண்டாடப்படுவதால், பண்டிகை முடிந்து ஜனவரி 18-இல் ஊர் திரும்ப விரும்புவோர் நவம்பர் 19 அன்றும், ஜனவரி 19 பயணத்திற்கு நவம்பர் 20 அன்றும் முன்பதிவு செய்துகொள்ளலாம்.
வழிகாட்டல்
முன்பதிவு செய்யும் நடைமுறைகள்
ரயில் பயணிகள் வழக்கம்போல ஐஆர்சிடிசி அதிகாரப்பூர்வ இணையதளம் அல்லது கைபேசி செயலி மூலமாகத் தங்களது பயணச் சீட்டுகளை இணையவழியில் பதிவு செய்து கொள்ளலாம்.
மேலும், ரயில் நிலையங்களில் உள்ள நேரடி முன்பதிவு மையங்கள் வாயிலாகவும் டிக்கெட்டுகளைப் பெற்றுக் கொள்ள முடியும்.
பண்டிகைக் கால நெரிசலைக் கருத்தில் கொண்டு, டிக்கெட் முன்பதிவு தொடங்கும் காலை நேரத்திலேயே விரைந்து திட்டமிட்டு பதிவு செய்யுமாறு பொதுமக்களுக்கு அறிவுறுத்தப்பட்டுள்ளது.