பிரதமர் மோடி இன்று கன்னியாகுமரியில் பிரமாண்ட பொதுக்கூட்டத்தில் பங்கேற்பு
செய்தி முன்னோட்டம்
பிரதமர் மோடி இன்று மீண்டும் தமிழகம் வருகிறார். கன்னியாகுமரி மாவட்டத்தில் நடைபெறவுள்ள பொதுக்கூட்டத்தில் கலந்து கொள்ளவிருக்கிறார்.
பிரதமர் இந்த ஆண்டில் மட்டுமே 5 வது முறையாக தமிழ்நாட்டிற்கு விசிட் அடிக்கிறார் என்பது கூடுதல் தகவல்.
நாடாளுமன்ற தேர்தல் அறிவிப்பு எந்த நேரமும் வெளியாகலாம் என்ற சூழலில், பிரதமர் மோடி நாடு முழுவதும் பிரச்சார பொதுக்கூட்டங்களில் கலந்து கொண்டு, நலத்திட்டங்களை துவக்கி வைக்கிறார்.
அந்த வகையில் இன்று கன்னியாகுமரி மாவட்டம் அருகே உள்ள அகஸ்தீஸ்வரம் விவேகானந்தா கல்லூரி மைதானத்தில் நடைபெறும் பாஜக பொதுக்கூட்டத்தில் கலந்துகொண்டு உரையாற்றுகிறார் பிரதமர் மோடி.
மோடி பிளான்
தீவிரப்படுத்தப்பட்ட பாதுகாப்பு ஏற்பாடுகள்
இன்று காலை டெல்லியிலிருந்து புறப்படும் மோடி, தனி விமானம் மூலம் திருவனந்தபுரம் வந்தடைவார்.
அங்கிருந்து ஹெலிகாப்டர் மூலம், காலை 11 மணியளவில் கன்னியாகுமரி வந்தடையும் பிரதமர், சாலை மார்க்கமாக விழா இடத்திற்கு செல்கிறார்.
இந்த பொதுக்கூட்டத்தில், பாஜக மாநில தலைவர் அண்ணாமலை, இணை அமைச்சர் எல்.முருகன் உள்ளிட்டோர் கலந்துகொள்கின்றனர்.
நிகழ்ச்சி முடிவடைந்ததும், பிரதமர் கேரள மாநிலம் பத்தினம்திட்டாவிற்கு புறப்படுகிறார்.
பிரதமரின் வருகையை ஒட்டி, கன்னியாகுமரி மாவட்டத்தில் பாதுகாப்பு ஏற்பாடுகள் பலப்படுத்தப்பட்டுள்ளன.
இதன் தொடர்ச்சியாக, 6வது முறையாக மீண்டும் மார்ச் 18ஆம் தேதி பிரதமர் மோடி கோவைக்கு வருகை தருகிறார்.
துடியலூர் முதல் ஆர்.எஸ்.புரம் வரை நடக்கும் ரோடு ஷோவில் பிரதமர் மோடி பங்கேற்க உள்ளார் என்பது குறிப்பிடத்தக்கது.