இந்தியாவின் நிஜ ஹீரோ! துபாய் விமானத்தில் உயிரைப் பணயம் வைத்து 170 பேரைக் காப்பாற்றிய கேப்டன்; பிரதமர் மோடி பெருமிதம்
செய்தி முன்னோட்டம்
துபாயிலிருந்து இஸ்ரேலின் டெல் அவிவ் நகருக்கு 174 பயணிகளுடன் சென்று கொண்டிருந்த பிளைதுபாய் (FZ1073) விமானத்தில், கொடூர தாக்குதலுக்கு உள்ளான போதிலும் 170-க்கும் மேற்பட்ட பயணிகளின் உயிரைப் பாதுகாத்த இந்திய விமானி கேப்டன் ஸ்மித் மச்சாருக்கு பிரதமர் நரேந்திர மோடி பாராட்டுகளைத் தெரிவித்துள்ளார். ஸ்மித் மச்சார் இந்தியாவின் உண்மையான ஹீரோ என்றும், நாடு அவரை நினைத்துப் பெருமை கொள்கிறது என்றும் பிரதமர் மோடி தனது எக்ஸ் பக்கத்தில் பதிவிட்டுள்ளார். கூடுதல் விபரங்கள் இங்கே:-
ட்விட்டர் அஞ்சல்
Twitter Post
Captain Smit Machchhar is a HERO.
— Narendra Modi (@narendramodi) October 1, 2026
In the face of the gravest danger and despite being seriously injured, he showed immense courage and an unwavering resolve to protect the lives of others.
His valour helped save hundreds of lives and avert a great tragedy.
India is proud of…
பயங்கரத் தாக்குதல்
நடுவானில் காக்பிட்டில் நடந்த பயங்கரத் தாக்குதல்
விமானம் சுமார் 34,000 அடி உயரத்தில் பறந்துகொண்டிருந்த போது, இணை விமானி திடீரென கேப்டன் ஸ்மித் மச்சார் மீது கத்தியால் தாக்குதல் நடத்தி விமானத்தை கட்டுப்பாட்டிற்குள் கொண்டுவர முயன்றுள்ளார்.
இந்த மோதலின் போது விமானம் சில நொடிகளில் சுமார் 14,000 அடிகள் அதிவேகமாகக் கீழே சாய்ந்து இறங்கியது.
தீவிர கத்திக்குத்து காயமடைந்து ரத்த வெள்ளத்தில் மிதந்தபோதிலும், மச்சார் தைரியமாக போராடி காக்பிட் கதவைத் திறந்தார்.
பயணிகள் போராட்டம்
பயணிகள் மற்றும் ஊழியர்களின் அதிரடி நடவடிக்கை
காக்பிட் கதவு திறக்கப்பட்டதை அடுத்து, முன் வரிசையில் அமர்ந்திருந்த பயணிகள் மற்றும் விமானத்தில் பயணித்த பிற பிளைதுபாய் விமானிகள் உடனடியாகக் காக்பிட்க்குள் புகுந்து, தாக்குதல் நடத்திய இணை விமானியை மடக்கிப் பிடித்தனர்.
அதன்பின்னர், பிற விமானிகளின் உதவியோடு விமானம் கட்டுப்பாட்டிற்குள் கொண்டுவரப்பட்டு, சவுதி அரேபியாவின் தபூக் விமான நிலையத்தில் அவசரமாக பாதுகாப்பாகத் தரையிறக்கப்பட்டது.
இதில் பயணிகள் அனைவரும் காயமின்றித் தப்பினர்.
விமான சேவை நிறுத்தம்
சவுதியில் தீவிர சிகிச்சை மற்றும் விமான சேவை நிறுத்தம்
படுகாயமடைந்த கேப்டன் ஸ்மித் மச்சாருக்கு தபூக் மருத்துவமனையில் அறுவை சிகிச்சை செய்யப்பட்டு, தற்போது அவரது உடல்நிலை சீராக உள்ளது.
மும்பையிலிருந்து அவரது குடும்பத்தினர் சவுதி அரேபியா விரைந்துள்ளனர்.
சவுதி அதிகாரிகள் தாக்குதல் நடத்திய இணை விமானியை கைது செய்து விசாரணை நடத்தி வருகின்றனர்.
இச்சம்பவத்தைத் தொடர்ந்து பாதுகாப்பு காரணங்களுக்காக இஸ்ரேலுக்கான தனது விமான சேவைகளை தற்காலிகமாக பிளைதுபாய் நிறுவனம் நிறுத்தி வைத்துள்ளது.