ஜெட் விமானம், சாலை பயணம்: ED கைதிலிருந்து ஜார்கண்ட் முதல்வர் தப்பியது எப்படி?
செய்தி முன்னோட்டம்
நில மோசடி வழக்கில் அமலாக்கத்துறையினாரால் தேடப்பட்ட ஜார்கண்ட் முதல்வர் ஹேமந்த் சோரன், நேற்று செவ்வாய்க்கிழமை தலைமறைவானார் எனக்கூறப்பட்டது.
எனினும் கிட்டத்தட்ட 30 மணிநேரம் அமலாக்கத்துறையினரின் கண்களில் மண்ணை தூவி, பின்னர் அன்றிரவே செவ்வாய்க்கிழமை ஜார்க்கண்ட் தலைநகர் ராஞ்சியில் மீண்டும் ஊடகத்துறையின் முன்னால் திடீரென தோன்றியது எப்படி என்பது குறித்த தகவல் தற்போது வெளியாகியுள்ளது.
கடந்த வாரம், நில மோசடி தொடர்பாக சோரனுக்கு பத்தாவது சம்மன் அனுப்பப்பட்டு, ஜனவரி 29 அல்லது ஜனவரி 31 ஆம் தேதிகளில் அவரது இருப்பை உறுதிப்படுத்தும்படி கேட்கப்பட்டது.
சோரன், மத்திய புலனாய்வு நிறுவனத்திற்கு அனுப்பிய மின்னஞ்சலில், ஜனவரி 31 ஆம் தேதி மதியம் 1 மணியளவில் தனது ராஞ்சி இல்லத்தில் விசாரணைக்கு ஆஜராக ஒப்புக்கொண்டார்.
ஹேமந்த் சோரன்
ஹேமந்த் சோரன் எப்படி அமலாக்கத்துறை விசாரணையை தவிர்த்தார்?
ஜனவரி 27 அன்று இரவு, சோரன் ராஞ்சியில் இருந்து டெல்லிக்கு புறப்பட்டார்.
சட்ட ஆலோசனைக்காக முதல்வர் டெல்லிக்கு ஒரு சார்ட்டர் விமானத்தில் சென்றதாக அக்கட்சியினர் தெரிவித்தனர்.
சோரன் டெல்லிக்கு வருவது EDக்கு தெரியவரவே, அவர் புறப்படும் வேளையில் விமான நிலையத்தில் கைது செய்ய, டெல்லி விமான நிலையத்தில் ஒரு குழுவை நிறுத்தியது.
திங்கள்கிழமை காலை 7 மணிக்கு தெற்கு டெல்லியில் உள்ள சோரனின் 5/1 சாந்தி நிகேதன் இல்லத்திற்கு ED குழு வந்த போது, அங்கும் அவர் இல்லை.
இருப்பினும், சோரன் ஞாயிற்றுக்கிழமை இரவு தனது இல்லத்திற்குத் திரும்பியதாகவும் செய்திகள் தெரிவித்தன.
டெல்லியில் உள்ள அவரது வீட்டில் 13 மணி நேரம் முகாமிட்டுள்ள புலனாய்வு அமைப்பு சோதனை நடத்தியது.
தொடர்ந்து படிக்க
டெல்லி முதல்வர் உதவியுடன் எஸ்கேப்
சோரன் வராத நிலையில், அதிகாரிகள் சுமார் ரூ.36 லட்சம் ரொக்கம், ஹரியானாவில் பதிவு செய்யப்பட்ட இரண்டு BMW சொகுசு கார்கள் மற்றும் சில "குற்றச்சாட்டு" ஆவணங்களை பறிமுதல் செய்தனர்.
அமலாக்கத்துறை உடனே டெல்லி காவல்துறையை எச்சரித்ததாகவும், டெல்லியின் எல்லைப் பகுதிகளில் சோதனையை அதிகரிக்கவும் அதன் மூத்த அதிகாரிகளைக் கேட்டுக்கொண்டதாகவும் கூறப்படுகிறது.
இருப்பினும், அவர்கள் கண்களில் மண்ணை தூவி, ஹேமந்த் சோரன், டெல்லியிலிருந்து ராஞ்சிக்கு 1,292 கிமீ சாலைப் பயணத்தை மேற்கொண்டார்.
எனினும் பாஜக எம்பி நிஷிகாந்த் துபே,"டெல்லி முதல்வர் அரவிந்த் கெஜ்ரிவால் டெல்லியில் இருந்து வாரணாசிக்கு செல்ல சோரனுக்கு உதவியதாகவும், அதன் பின்னர் வாரணாசியில் இருந்து, ஜேஎம்எம் அமைச்சர் மித்லேஷ் தாக்கூர் உதவியுடன் சோரன் ராஞ்சிக்கு அழைத்துச் செல்லப்பட்டார்" என்று தெரிவித்தார்.