நாடாளுமன்ற கூட்டத்தொடரில் அறிமுகமாவுள்ள 6 புதிய மசோதாக்கள் என்ன?
வரும் ஜூலை 22 ஆம் தேதி, நாடாளுமன்ற மழைக்காலக் கூட்டத் தொடர் தொடங்கவுள்ளது. இதில் ஜூலை 23 ஆம் தேதி மத்திய பட்ஜெட் தாக்கல் செய்யப்படவுள்ளது. ஆகஸ்ட் 12 வரை நீளும் இந்த கூட்டத்தொடரில் ஆறு புதிய மசோதாக்களை அறிமுகம் செய்ய மத்திய அரசு உத்தேசித்துள்ளதாக உள்ளதாக தி ஹிந்து செய்தி வெளியிட்டுள்ளது. முக்கியமாக பேரிடர் மேலாண்மைச் சட்டத்தில் திருத்தங்களை கொண்டு வரும் மசோதாவை நிறைவேற்ற மத்திய அரசு முனைப்புடன் இருப்பதாக செய்திகள் வெளியாகியுள்ளன. அதே போல் தற்போது நடைமுறையில் உள்ள விமானச் சட்டத்தை மாற்றும் பாரதிய வாயுயான் விதேயக் 2024 மசோதாவும் தாக்கல் செய்யப்படலாம் எனக் கூறப்படுகிறது.
கூட்டத்தொடரில் தாக்கல் செய்யவுள்ள மசோதாக்கள் பட்டியல்
பாரதிய வாயுயன் விதேயக் மசோதா பேரிடர் மேலாண்மை மசோதா நிதி மசோதா காபி மசோதா ரப்பர் மசோதா கொதிகலன்கள் மசோதா ஆகிய மசோதாக்கள் கூட்டத்தொடரில் தாக்கல் செய்யப்படும் என எதிர்பார்க்கப்படுகிறது. முன்னதாக,நாடாளுமன்ற கூட்டத்தொடரின் நிகழ்ச்சி நிரல்களை தீர்மானிக்கும் 11 பேர் கொண்ட அலுவல் ஆலோசனைக் குழுவை அமைத்துள்ளார் சபாநாயகர் ஓம் பிர்லா. இந்த குழுவில் திமுக சார்பில் தயாநிதி மாறன், பாஜகவிலிருந்துபாஜகவிலிருந்து நிஷிகாந்த் துபே, அனுராக் சிங் தாக்கூர், பர்த்ருஹரி மஹ்தாப், பி.பி. சௌத்ரி, பைஜயந்த் பாண்டா, சஞ்சய் ஜெய்ஸ்வால் மற்றும் காங்கிரஸில் இருந்து கே.சுரேஷ், கௌரவ் கோகோய் ஆகியோரும் ஏனைய முக்கிய கட்சிகளிலிருந்து தலா ஒருவரும் இடம்பெற்றுள்ளனர்.
