முன்பதிவிலேயே ரூ.96 கோடி வசூல்: ராமாயணா பாகம் 1 திரைப்படத்தின் இமாலய சாதனை
செய்தி முன்னோட்டம்
இயக்குநர் நிதேஷ் திவாரி இயக்கத்தில் ரன்பீர் கபூர், சாய் பல்லவி மற்றும் யாஷ் ஆகியோர் நடிப்பில் உருவாகியுள்ள 'ராமாயணம் பாகம் 1' திரைப்படம், முன்பதிவிலேயே ரூ.96.56 கோடி வசூல் செய்து சாதனை படைத்துள்ளது. நாளை வியாழக்கிழமை உலகமெங்கும் திரையரங்குகளில் வெளியாகவுள்ள சூழலில், புதன்கிழமை மாலை நிலவரப்படி நாடு முழுவதும் சுமார் 25.65 லட்சம் டிக்கெட்டுகள் முன்பதிவு செய்யப்பட்டுள்ளன. தியேட்டர் இருக்கைகள் முடக்கப்பட்டது உட்பட மொத்தம் ரூ.96.56 கோடியும், இருக்கை முடக்கங்களைத் தவிர்த்து உண்மையான முன்பதிவுத் தொகையாக மட்டும் ரூ.77.31 கோடியும் வசூலாகியுள்ளது.
வசூல்
ஹிந்தியில் 82 சதவீத பங்களிப்பு
இந்திய அளவில் இப்படத்தின் முன்பதிவு வசூலில் ஹிந்தி பதிப்பு 82 சதவீதப் பங்களிப்புடன் ரூ.78.88 கோடி வசூலித்து முதலிடத்தில் உள்ளது.
தென்னிந்திய மொழிகளைப் பொறுத்தவரை தெலுங்கில் ரூ.8.09 கோடியும், கன்னடத்தில் ரூ.7.27 கோடியும் வசூலாகியுள்ளது.
அதேபோல் தமிழில் ரூ.1.84 கோடியும், மலையாளத்தில் ரூ.49.23 லட்சமும் முன்பதிவு மூலமாகப் பெறப்பட்டுள்ளது.
அனைத்து மொழிகளிலும் ரசிகர்களிடையே பெரும் எதிர்பார்ப்பு நிலவுவதால் திரையரங்குகளில் காட்சிகளின் எண்ணிக்கை தொடர்ந்து அதிகரிக்கப்பட்டு வருகிறது.
எதிர்பார்ப்பு
உலகளவில் 100 கோடி கிளப்
படத்தின் முதல் நாளான நாளை மட்டும் ரூ.39.35 கோடி மதிப்பிலான 10.11 லட்சம் டிக்கெட்டுகள் விற்றுத் தீர்ந்துள்ளன.
வார இறுதி நாட்களுக்கான முன்பதிவும் சேர்த்து இந்தத் தொகை எட்டப்பட்டுள்ள நிலையில், வெளிநாட்டு முன்பதிவுகளுடன் சேர்த்து 'ராமாயணா-1' ஏற்கனவே உலகளவில் ரூ.100 கோடி கிளப்பில் இணைந்துள்ளது.
பண்டிகை விடுமுறை தினங்களில் இந்தியத் திரை வரலாற்றிலேயே மிகப் பிரம்மாண்டமான தொடக்க வசூலைப் பெறும் திரைப்படமாக இது அமையும் எனத் திரைத்துறை வர்த்தக நிபுணர்கள் கணித்துள்ளனர்.