சென்னையில் இரவு நேர மின்சார ரயில்கள் ரத்து... எந்த வழித்தடங்களில்?
செய்தி முன்னோட்டம்
சென்னையில் 3 நாட்களுக்கு இரவு நேர மின்சார ரயில்கள் குறிப்பிட்ட வழித்தடங்களில் ரத்து செய்யப்படுவதாக தெற்கு ரயில்வே அறிவித்துள்ளது.
அதன்படி, இன்று இரவு (செப்டம்பர் 3), நாளை மறுநாள் (செப்டம்பர் 5) மற்றும் செப்டம்பர் 7ஆம் தேதி ஆகிய 3 நாட்கள் இரவில் இயக்கப்படும் மின்சார ரயில் சேவைகள் ரத்து செய்யப்படுகிறது.
இது குறித்து தெற்கு ரயில்வே அறிக்கையும் வெளியிட்டுள்ளது
ரயில் சேவை பாதிப்பு
இரவு நேர மின்சார ரயில் சேவை பாதிப்பு
அந்த அறிக்கையின்படி, சென்னை கடற்கரை ரயில் நிலையத்திலிருந்து, தாம்பரத்திற்கு இரவு 9.10, மற்றும் 9.30 மணிக்கு புறப்படும் மேலே குறிப்பிட்ட 3 நாள்களுக்கு முழுமையாக ரத்து செய்யப்படுகிறது.
அதேபோல, சென்னை கடற்கரையிலிருந்து தாம்பரத்திற்கு அதிகாலை 4.15 மணிக்கு புறப்படும் புறநகர் மின்சார ரயில் செப்டம்பர் 4, 6, 8 ஆகிய 3 நாள்களுக்கு முழுமையாக ரத்து செய்யப்படுகிறது.
மறுமார்க்கத்தில், தாம்பரத்திலிருந்து சென்னை கடற்கரை ரயில் நிலையத்திற்கு இரவு 10.40, 11.20, 11.40 மணிக்கு புறப்படும் புறநகர் மின்சார ரயில்கள் செப்டம்பர் 3, 5, 7 ஆகிய 3 நாள்களுக்கு முழுமையாக ரத்து செய்யப்படுகிறது.