சீன கொடியுடன் ராக்கெட் விளம்பரம்; அனிதாவின் செயலால் விழிபிதுங்கும் திமுக
செய்தி முன்னோட்டம்
திமுக அமைச்சர் அனிதா ராதாகிருஷ்ணன் செய்த தவறால், இன்று திமுக இணையத்தில் பேசுபொருளாகிவிட்டது.
தூத்துக்குடியில் இன்று பிரதமர் அடிக்கல் நாட்டிய புதிய இஸ்ரோ ராக்கெட் ஏவுதளத்தின் அறிமுக விழாவிற்கான விளம்பரத்தை, முன்னணி தமிழ் நாளிதழ்களுக்கு அளித்துள்ளார், அனிதா ராதாகிருஷ்ணன்.
அந்த விளம்பரத்தில் ராக்கெட் புகைப்படம் இருந்தது. அந்த ராக்கெட்டின் முகப்பில் சீனாவின் முத்திரை பொறிக்கப்பட்டிருந்தது. இதுவே தற்போது விமர்சனத்திற்குள்ளாகியுள்ளது.
இந்த விஷயத்தை பாஜக மாநில தலைவர் அண்ணாமலை கடுமையாக சாடியுள்ளார் இந்த புகைப்படத்தை பகிர்ந்து அண்ணாமலை வெளியிட்டுள்ள பதிவில்,"திமுக அமைச்சர் அனிதா ராதாகிருஷ்ணன் இன்று முன்னணி தமிழ் நாளிதழ்களுக்கு அளித்த விளம்பரம் இது. திமுக சீனா மீது கொண்டிருக்கும் பற்றையும், நம் நாட்டின் இறையாண்மையை முற்றிலும் புறக்கணிப்பதையும் இது வெளிப்படுத்துகிறது." என்று விமர்ச்சித்துள்ளார்.
embed
சீன கொடியுடன் ராக்கெட் விளம்பரம்
This advertisement by DMK Minister Thiru Anita Radhakrishnan to leading Tamil dailies today is a manifestation of DMK's commitment to China & their total disregard for our country's sovereignty. DMK, a party flighing high on corruption, has been desperate to paste stickers ever... pic.twitter.com/g6CeTzd9TZ— K.Annamalai (@annamalai_k) February 28, 2024
அனிதா ராதாகிருஷ்ணன்
விழாவை புறக்கணித்த அனிதா ராதாகிருஷ்ணன்
குலசேகரப்பட்டினம் நிகழ்வில் கலந்துகொள்ள வருகை தந்த பிரதமர் மோடி உள்ளிட்டோரை வரவேற்கும் விதமாக அமைச்சர் அனிதா ராதாகிருஷ்ணன் பெயரில் வெளியான விளம்பரங்களில், இந்திய கொடிக்கு பதிலாக சீன கொடி அச்சிடப்பட்டிருந்தது.
இதனை குறிப்பிட்டு பாஜக தொண்டர்கள் தற்போது திமுகவை ட்ரோல் செய்துவருகின்றனர்.
இதனை பிரதமர் மோடியும் மேடையில் குறிப்பிட்டதாக செய்திகள் தெரிவிக்கின்றன.
இன்று நடைபெற்ற விழாவில், மத்திய அமைச்சர்கள் சர்பானந்த சோனாவால், எல். முருகன், தூத்துக்குடி தொகுதி திமுக எம்.பி. கனிமொழி ஆகியோரும் இந்த விழாவில் கலந்துகொண்டனர்.
அதேநேரம் தூத்துக்குடியின் பொறுப்பு அமைச்சர் அனிதா ராதாகிருஷ்ணன் பங்கேற்கவில்லை.
embed
சீன கொடியுடன் ராக்கெட் விளம்பரம்
#JUSTIN குலசேகரப்பட்டினம் ராக்கெட் ஏவுதளம் தொடர்பான திமுகவின் விளம்பரத்தில் சீனா கொடி, சீனா ராக்கெட் உள்ளது - பிரதமர் மோடி #PMModi #BJP #Tirunelveli #Kulasekarapattinam #Nellai #News18tamilnadu | https://t.co/7dpn9FD15R pic.twitter.com/xd1N3r0cFd— News18 Tamil Nadu (@News18TamilNadu) February 28, 2024