நாடாளுமன்ற பாதுகாப்பு குறைபாடு காரணமாக தொடரும் அமளி - 33 எம்.பி.க்கள் சஸ்பெண்ட்
செய்தி முன்னோட்டம்
நாடாளுமன்றம் மழைக்கால கூட்டத்தொடர் நடக்கும் நிலையில், கடந்த 13ம்.,தேதி பார்வையாளர்கள் கூடத்தில் அமர்ந்திருந்த 2 நபர்கள் திடீரென அவைக்குள் அத்துமீறி நுழைந்தனர்.
அவர்களை பாதுகாப்பு அதிகாரிகள் கைது செய்து தற்போது விசாரணை நடத்தி வருகிறார்கள்.
இதனையடுத்து பாதுகாப்பு குறைபாடு காரணமாக இதுபோன்ற சம்பவம் அரங்கேறியுள்ளது என்று எதிர்க்கட்சிகள் குற்றஞ்சாட்டினர்.
இதனைத்தொடர்ந்து 14ம்.,தேதி கூட்டத்தில், இதுகுறித்து விவாதம் நடத்தக்கூறி அமளியில் ஈடுப்பட்டதால், மக்களவை எம்.பி.க்கள் கனிமொழி, ஜோதிமணி, ரம்யா ஹரிதாஸ், சு.வெங்கடேசன் உள்ளிட்ட 13 பேரும், மாநிலங்களவையில் டெரிக் ஓ.பிரையன் என மொத்தம் 14 எம்.பி.க்கள் நடப்பு கூட்டத்தொடர் முழுவதும் சஸ்பெண்ட் செய்யப்படுவதாக அறிவிக்கப்பட்டது.
இந்நிலையில், தற்போது தொடர் அமளியில் ஈடுபட்ட 33 மக்களவை எம்.பி.க்கள் மழைக்கால கூட்டத்தொடர் முழுவதும் சஸ்பெண்ட் செய்யப்படுவதாக உத்தரவிடப்பட்டுள்ளது.
சஸ்பெண்ட்
மக்களவை இன்று(டிச.,18)நாள் முழுவதும் ஒத்திவைக்கப்பட்டது
இதனையடுத்து காங்கிரஸ் மக்களவை குழுத்தலைவர் ஆதிர் ரஞ்சன் சவுத்ரி, திருநாவுக்கரசர், கௌரவ் கோகோய் உள்ளிட்டோரும், திமுக கட்சியினை சேர்ந்த நவாஸ்கனி, தமிழச்சி தங்கபாண்டியன், சுமதி, செல்வம், சி.என்.அண்ணாதுரை, தயாநிதி மாறன், டி.ஆர்.பாலு உள்ளிட்டோரும், கே.ஜெயக்குமார், விஜய்வசந்த், கலாநிதி வீராசாமி, உள்ளிட்ட எம்.பி.க்கள் என மொத்தம் 33பேர் சஸ்பெண்ட் செய்யப்பட்டுள்ளனர்.
அவை நடவடிக்கைகளுக்கு இடையூறு அளிக்கும் வகையில் நடந்துகொள்வதாக கூறி சஸ்பெண்ட் செய்யப்பட்டுள்ளனர்.
சஸ்பெண்ட் செய்யப்பட்ட நடவடிக்கையினை தொடர்ந்து மக்களவை இன்று(டிச.,18)நாள் முழுவதும் ஒத்திவைக்கப்பட்டது.
இதுகுறித்து செய்தியாளர்களிடம் பேசிய ஆதிர் ரஞ்சன், 'முன்னதாக செய்யப்பட்ட எம்.பி.க்கள் சஸ்பெண்ட் நடவடிக்கையினை திரும்பப்பெற வேண்டும்' என்றும்,
'நாடாளுமன்ற பாதுகாப்பு குறைபாடு குறித்து உள்துறை அமைச்சர் அவையில் அறிக்கையளிக்கவேண்டும் என்றும் கோரியதால் நாங்கள் சஸ்பெண்ட் செய்யப்பட்டோம்' என்று கூறியுள்ளார்.