கரகாட்டக்காரன் உள்ளிட்ட பல படங்களில் நடித்த நடிகர் ஜூனியர் பாலையா காலமானார்
செய்தி முன்னோட்டம்
கரகாட்டக்காரன், மேல்நாட்டு மருமகள் உள்ளிட்ட பல படங்களில் நடித்த ஜூனியர் பாலையா, சென்னையில் மூச்சுத் திணறல் ஏற்பட்டு காலமானார். அவருக்கு வயது 70.
வளசரவாக்கத்தில் உள்ள அவரது வீட்டில் மூச்சு திணறல் ஏற்பட்டு, கட்டிலில் இருந்து கீழே விழுந்து உயிரிழந்ததாக, அவரது மகன் தெரிவித்துள்ளார்.
பழம்பெறும் நடிகர் டிஎஸ் பாலையாவின் மூன்றாவது மகனான ரகு பாலையா, அவர் தந்தையைப் போல தோற்றம் மற்றும் உடல் மொழி கொண்டு இருந்ததால் ஜூனியர் பாலையா என்று அழைக்கப்பட்டார்.
கடந்த 1975 ஆம் ஆண்டு வெளியான மேல்நாட்டு மருமகள் திரைப்படத்தின் மூலம், தமிழ் சினிமாவில் ஜூனியர் பாலையா அறிமுகமானார்.
2nd ard
ஜூனியர் பாலையாவின் சினிமா வாழ்க்கை
அதன் பின்னர் கோபுர வாசலிலே, கரகாட்டக்காரன், சின்னத்தாயி, சங்கமம், வின்னர் உள்ளிட்ட வெற்றி படங்களில் நடித்துள்ளார்.
இவர் அஜித்தின் நேர்கொண்ட பார்வை திரைப்படத்தில், முக்கிய வேடத்தில் நடித்திருந்ததும் குறிப்பிடத்தக்கது.
இறுதியாக கடந்த 2021 ஆம் ஆண்டு வெளியான என்னங்க சார் உங்க சட்டம் திரைப்படத்தில் நடித்திருந்தார்.
சினிமாவை தாண்டி சின்னத்திரையிலும், சித்தி, சின்ன பாப்பா பெரிய பாப்பா உள்ளிட்ட சீரியல்களிலும் இவர் நடித்துள்ளார்.
சமீபத்திய நாட்களில் இவர் கிறிஸ்துவ மத போதனைகள் வழங்கி வந்தார்.
இவருடைய இறுதிச் சடங்கு இன்று மாலை சென்னையில் நடைபெறும் என குறிப்பிடுகிறது.