ரசிகர்கள் எதிர்பார்க்காத நேரத்தில் வெளியான கங்குவா ரிலீஸ் தேதி அறிவிப்பு
நடிகர் சூர்யா நடிப்பில், 'சிறுத்தை' சிவா இயக்கத்தில் பல ஆண்டுகளாக உருவாகி வந்த பீரியட் திரைப்படம் தான் 'கங்குவா'. படத்தின் ஷூட்டிங் சென்ற ஆண்டே நிறைவடைந்த நிலையில், போஸ்ட் ப்ரொடக்ஷன் பணிகள் காரணமாக இந்தாண்டு இறுதிக்குள் வெளியாகுமென அறிவிக்கப்பட்டிருந்தது. இந்த ஆண்டு எதிர்பார்க்கப்பட்ட மிக பிரம்மாண்டமான படங்களில் ஒன்றான 'கங்குவா' திரைப்படம் வெளியாகும் தேதி அறிவிக்கப்பட்டுள்ளது. நேற்று இரவு சூர்யா வெளியிட்ட அறிவிப்பின்படி, இந்த திரைப்படம், வரும் அக்டோபர் மாதம் 10ஆம் தேதி வெளியாகவுள்ளது. இதே நாளில் தான், ரஜினிகாந்தின் 'வேட்டையன்' திரைப்படமும் வெளியாகவுள்ளது என்பதால், ரசிகர்களுக்கு டபுள் கொண்டாட்டமாக இருக்கப்போகிறது. இந்த படத்திற்கு தேவிஸ்ரீபிரசாத் இசையமைத்துள்ளார். பாலிவுட் நடிகை திஷா பத்தானி நாயகியாக நடித்துள்ளார்.
