2026 பொருளாதார நோபல் பரிசு: அமெரிக்க வல்லுநர்கள் ராபர்ட் ஹால், மைக்கேல் உட்ஃபோர்டுக்கு அறிவிப்பு; முழு விபரம்
செய்தி முன்னோட்டம்
2026 ஆம் ஆண்டிற்கான பொருளாதார அறிவியலுக்கான நோபல் நினைவுப் பரிசு அமெரிக்க வல்லுநர்களுக்கு அறிவிக்கப்பட்டுள்ளது. ராபர்ட் ஈ. ஹால் மற்றும் மைக்கேல் உட்ஃபோர்ட் ஆகிய இருவருக்கு இக்கூட்டு விருது வழங்கப்படுகிறது. மேக்ரோ பொருளாதார நிலைத்தன்மையின் நுண் பொருளாதார அடிப்படைகள் குறித்த இவர்களது சிறந்த ஆராய்ச்சிக்காக இந்த விருது கிடைத்துள்ளது. ஸ்டாக்ஹோமில் உள்ள ஸ்வீடிஷ் ராயல் அகாடமி ஆஃப் சயின்சஸ் திங்கட்கிழமை (அக்டோபர் 12) இதனை அதிகாரப்பூர்வமாக அறிவித்தது.
பின்னணி
விருதாளர்களின் பின்னணி மற்றும் பல்கலை இணைப்பு
விருது பெற்ற ராபர்ட் ஈ. ஹால் கலிபோர்னியாவின் ஸ்டான்போர்டு பல்கலைக்கழகத்தில் பணியாற்றி வருகிறார்.
மைக்கேல் உட்ஃபோர்ட் நியூயார்க்கில் உள்ள கொலம்பியா பல்கலைக்கழகத்தில் பேராசிரியராக உள்ளார்.
உலகளாவிய பணவீக்கம் மற்றும் நிதிச் சந்தை மாற்றங்களை எதிர்கொள்ளும் புதிய கோட்பாடுகளை இவர்கள் உருவாக்கியுள்ளனர்.
பொருளாதாரக் கட்டமைப்பில் இவர்களின் பங்களிப்பு மிக முக்கியமானது என நோபல் தேர்வுக் குழு பாராட்டியுள்ளது.
ஆராய்ச்சி
மத்திய வங்கிகளின் செயல்பாட்டுக்கு வலுசேர்க்கும் ஆராய்ச்சி
இவ்விரு அறிஞர்களின் ஆய்வுகள் உலகளாவிய பொருளாதார மாதிரிகளுக்கு உறுதியான அடித்தளத்தை வழங்கியுள்ளன.
உலகெங்கிலும் உள்ள மத்திய வங்கிகள் மற்றும் அரசாங்கங்கள் இக்கோட்பாடுகளையே தற்போது பயன்படுத்துகின்றன.
எரிசக்தி நெருக்கடி காலங்களில் ஏற்படும் நிதி அதிர்ச்சிகளைத் திறம்படக் கையாள இது உதவுகிறது.
வீடுகளின் நுகர்வுப் பழக்கத்தில் ஏற்படும் திடீர் மாற்றங்களைச் சமாளிக்கவும் இக்கோட்பாடு வழிகாட்டுகிறது.
ட்விட்டர் அஞ்சல்
Embed
BREAKING NEWS
— The Nobel Prize (@NobelPrize) October 12, 2026
The Royal Swedish Academy of Sciences has decided to award the 2026 Sveriges Riksbank Prize in Economic Sciences in Memory of Alfred Nobel to Robert E. Hall and Michael Woodford “for microeconomic foundations of macroeconomic stabilisation.”#NobelPrize pic.twitter.com/2i7ktB1Q2b
பரிசுத் தொகை
நோபல் பரிசின் பின்னணியும் பரிசுத் தொகையும்
ஆல்ஃப்ரெட் நோபல் நினைவாக ஸ்வீடன் மத்திய வங்கியால் 1968-இல் இந்த விருது தொடங்கப்பட்டது.
வழக்கமான நோபல் பரிசுகளுடன் சேர்த்து டிசம்பர் 10 அன்று இவ்விருது வழங்கப்படும்.
மருத்துவ இயல், இயற்பியல், வேதியியல், இலக்கியம் மற்றும் அமைதிக்கான நோபல் பரிசுகள் ஏற்கனவே அறிவிக்கப்பட்டுவிட்டன.
இறுதி விருதாக பொருளாதாரம் தற்போது அறிவிக்கப்பட்டுள்ளது.
இதன் மொத்த பரிசுத் தொகையான 12 மில்லியன் ஸ்வீடிஷ் குரோனர் இவ்விருவருக்கும் பகிர்ந்தளிக்கப்படும்.