இந்த வார ஓடிடி வெளியீடுகள் என்ன?
சென்ற வாரம், விஜய் நடிப்பில், லோகேஷ் கனகராஜ் இயக்கத்தில் 'லியோ' திரைப்படம் வெளியானது. பலத்த எதிர்பார்ப்பிற்கிடையே அநேக திரையரங்குகளில் இந்த திரைப்படம் வெளியானதால், சிறிய பட்ஜெட் திரைப்படங்கள் பல, தற்போது ஓடிடியில் வெளியாக உள்ளன. அதுமட்டுமின்றி, சில படங்களுக்கு, திரையிட வாய்ப்பே கிடைக்கவில்லை என்ற குமுறலும் கேட்காமலில்லை. இந்த வாரம் 3 தமிழ் படங்கள் ஓடிடியில் வெளிவரவிருக்கிறது. அவை என்னவென்று பார்ப்போம்.
ஓடிடி வெளியீடுகள்
இறைவன்: ஜெயம் ரவி, நயன்தாரா நடித்திருந்த இந்த திரில்லர் படம், கலவையான வரவேற்பை பெற்றிருந்தது. இந்த திரைப்படம், அக்டோபர்-27 அன்று நெட்ஃபிளிக்ஸ் தளத்தில் வெளியாகவுள்ளது. கூழாங்கல்: பி.எஸ்.வினோத்ராஜ் என்கிற புதுமுக இயக்குனர் இயக்கிய கூழாங்கல் திரைப்படம், பல சர்வதேச விருதைகளை வென்றது. இப்படத்தை விக்னேஷ் சிவனும் நயன்தாராவும் இணைந்து, ரௌடி பிக்ச்சர்ஸ் சார்பில் தயாரித்து உள்ளனர். இப்படம் சோனி லிவ் ஓடிடி தளத்தில் வருகிற அக்டோபர்-27 ரிலீஸ் ஆக உள்ளது. சந்திரமுகி 2: ராகவா லாரன்ஸ், கங்கனா ரணாவத் நடிப்பில், பி.வாசு இயக்கியுள்ள இந்த திரைப்படம், கலவையான விமர்சனத்தை பெற்றிருந்தது. முதல் பாகம் போல இல்லையென்றாலும், படம் சுமாராகவே இருந்தது என பலரும் தெரிவித்திருந்தனர். இன்று இந்த திரைப்படம், நெட்ஃபிளிக்ஸ் தளத்தில் வெளியாகியுள்ளது
