இறைவன் முற்றுப்புள்ளி வைப்பார்- சிவகார்த்திகேயன் உடனான சர்ச்சை குறித்து இமான் கருத்து
செய்தி முன்னோட்டம்
இசையமைப்பாளர் இமான், சிவகார்த்திகேயன் இடையே தொடர்ந்து வரும் சர்ச்சை குறித்து பதில் அளித்த இமான், "இந்த சர்ச்சைக்கு இறைவன் முற்றுப்புள்ளி வைப்பார்" என தெரிவித்தார்.
கடந்த ஒரு மாதத்திற்கு முன் நேர்காணலில் பேசிய இமான், சிவகார்த்திகேயன் தனக்கு மிகப்பெரிய துரோகத்தை செய்து விட்டதாகவும், அதனால் இனிமேல் அவருடன் இணைந்து பணியாற்ற வாய்ப்பே இல்லை எனவும் தெரிவித்திருந்தார்.
மேலும் அவர் தன் குழந்தைகளின் நலன் கருதி, இந்த விவகாரத்தில் மேலும் பேசுவதை தவிர்ப்பதாகவும் கூறியிருந்தார்.
சினிமா வட்டாரம் மற்றும் ரசிகர்களிடையே இது பேசுபொருளான நிலையில், இமானிடம் இருந்து விவாகரத்து பெற்ற அவரது மனைவி மோனிகாவும், சிவகார்த்திகேயனுக்கு ஆதரவாக கருத்து தெரிவித்திருந்தார்.
இதனால் இமான் விவாகரத்திற்கு, சிவகார்த்திகேயனே காரணம் என சொல்லப்பட்டது குறிப்பிடத்தக்கது.
2nd card
பட பூஜை விழாவில் சர்ச்சை குறித்து இமான் கருத்து
சென்னை அடையாற்றில் உள்ள நட்சத்திர விடுதியில் நடைபெற்ற ஐஸ்வர்யா ராஜேஷின் அடுத்த படத்தின் பூஜையில் இசையமைப்பாளர் இமான் பங்கேற்றார்.
அந்நிகழ்ச்சியில் பத்திரிகையாளர்களை சந்தித்த இமானிடம், சிவகார்த்திகேயன் விஷயம் இணையத்தில் பெரிதாக பேசப்பட்டு வருகிறது.
இதற்கு பதில் அளித்து முற்றுப்புள்ளி வையுங்கள் என கேள்வி கேட்கப்பட்டது.
இக்கேள்விக்கு பதில் அளித்த இமான், "அனைத்தையும் கடவுள் பார்த்துக் கொள்வார், இதில் சரி தவறு என்பது எதுவும் இல்லை. கடவுள் முற்றுப்புள்ளி வைப்பார். எனக்கு அந்த நம்பிக்கை உள்ளது" என அவர் தெரிவித்தார்.