இந்த மாதம் இந்தியாவில் வெளியாகவிருக்கும் கார்கள் என்னென்ன?
செய்தி முன்னோட்டம்
ஹோண்டா எலிவேட்:
சர்வதேச சந்தைக்கான தங்கள் புதிய எஸ்யூவியான 'எலிவேட்'-ஐ வரும் ஜூன் 6-ம் தேதி இந்தியாவில் வெளியிடத் திட்டமிட்டிருக்கிறது ஹோண்டா.
ஹோண்டா சிட்டி தயாரிக்கப்பட்ட அதே பிளாட்ஃபார்மில் உருவாக்கப்பட்டிருக்கும் இந்த எலிவேட்டில் டீசல் இன்ஜின் ஆப்ஷன் இல்லை. ஆனால், சிட்டியைப் போல ஹைபிரிட் வேரியன்ட்டை பின்நாளில் வெளியிடலாம் என எதிர்பார்க்கப்படுகிறது.
மாருதி சுஸூகி ஜிம்னி:
இந்திய வாடிக்கையாளர்களால் அதிகம் எதிர்பார்க்கப்படும் ஆஃப்ரோடு எஸ்யூவியான ஜிம்னியை வரும் ஜூன் 7-ம் தேதி இந்தியாவில் வெளியிடவிருக்கிறது மாருதி சுஸூகி.
4-வீல் டிரைவ் ஆப்ஷனுடன் மட்டும், இந்தியாவிற்காகவே பிரத்தியேகமாக 5 டோர்களுடன் வெளியாகவிருக்கிறது ஜிம்னி.
இந்த ஜிம்னியில் 105hp பவர் மற்றும் 134Nm டார்க்கை வெளிப்படுத்தக்கூடிய K15B பெட்ரோல் இன்ஜினை பயன்படுத்தியிருக்கிறது மாருதி.
புதிய கார்கள்
மெர்சிடீஸ்-AMG SL55:
கிட்டத்தட்ட 10 ஆண்டுகளுக்கு பிறகு ஏழாம் தலைமுறை SL ரோட்ஸ்டரை இந்தியாவில் வெளியிடவிருக்கிறது மெர்சிடீஸ்.
4-வீல் டிரைவ் மற்றும் 4-வீல் ஸ்டீயரிங் கொண்ட SL55 மாடலை வரும் ஜூன் 22-ம் தேதி இந்தியாவில் வெளியிடவிருக்கிறது மெர்சிடீஸ். தற்போது வெளியிடப்படும் பெட்ரோல் இன்ஜினைக் கடந்து ஹைபிரிட் வேரியன்ட் ஒன்றும் லைன்-அப்பில் இருக்கிறதாம்.
ஃபோக்ஸ்வாகன் அறிமுகங்கள்:
புதிய இன்ஜின் மற்றும் டிரான்ஸ்மிஷன் காம்பிஷேன்களுடன், தங்களுடைய வெர்ட்டஸ் மாடலின் புதிய வேரியன்ட்களை ஃபோக்ஸ்வாகன் நிறுவனம் ஏற்கனவே அறிமுகப்படுத்தியிருந்த நிலையில், அதனை இந்த மாதம் வெளியிடத் திட்டமிட்டிருக்கிறது.
வெர்ட்டஸைப் போலவே டைகூன் மாடலிலும் புதிய இன்ஜின் மற்றும் டிரான்மிஷன் காம்பினேஷன்களைக் கொண்ட வேரியன்ட்களை இந்த மாதம் வெளியிடத் திட்டமிட்டிருக்கிறது அந்நிறுவனம்.