ஹோண்டாவின் முதல் எலக்ட்ரிக் அவதாரம் '0 Alpha' எஸ்யூவி; 2027-ல் அதிரடி என்ட்ரி
செய்தி முன்னோட்டம்
ஹோண்டா நிறுவனத்தின் எலக்ட்ரிக் வாகன பயணத்தில் ஒரு முக்கிய மைல்கல்லாக, 'ஹோண்டா 0 ஆல்ஃபா' முன்மாதிரி காரின் அகில இந்திய சோதனை ஓட்டத்தை ராஜஸ்தானின் தப்புகாராவில் உள்ள தனது உற்பத்தி ஆலையிலிருந்து ஹோண்டா கார்ஸ் இந்தியா இன்று தொடங்கி வைத்தது. இந்தியாவின் மாறுபட்ட தட்பவெப்ப நிலை, போக்குவரத்து நெரிசல் மிகுந்த நகர சாலைகள் மற்றும் கரடுமுரடான பாதைகளில் இந்த காரின் செயல்திறன், உறுதித்தன்மை மற்றும் பேட்டரி திறன் ஆகியவை சோதிக்கப்படவுள்ளன.
அம்சங்கள்
முக்கிய அம்சங்கள் மற்றும் சிறப்பம்சங்கள்
0 சீரிஸ் கார்களுக்கே உரித்தான 'Thin, Light and Wise' என்ற தத்துவத்தின் அடிப்படையில் இது வடிவமைக்கப்பட்டுள்ளது. இது காரின் ஏரோடைனமிக் திறனை மேம்படுத்தி அதிக மைலேஜ் வழங்க உதவும். அதிகாரப்பூர்வத் தகவல்கள் இன்னும் வெளியிடப்படவில்லை என்றாலும், இதில் 60kWh முதல் 75kWh வரையிலான பேட்டரி பேக் பயன்படுத்தப்படலாம் எனத் தெரிகிறது. இது ஒருமுறை சார்ஜ் செய்தால் சுமார் 450-500 கி.மீ. வரை செல்லும் எனக் கணிக்கப்பட்டுள்ளது. இந்தக் கார் இந்தியாவிலேயே தயாரிக்கப்பட்டு, இங்கிருந்து ஜப்பான் உள்ளிட்ட சர்வதேச சந்தைகளுக்கும் ஏற்றுமதி செய்யப்படவுள்ளது.