காஸா போரினால் தடைப்பட்ட IVF சிகிச்சை; 'அதிசய' குழந்தைகளை எண்ணி புலம்பும் பெற்றோர்
செய்தி முன்னோட்டம்
காஸாவில் நடந்து வரும் போரின் விளைவாக இன் விட்ரோ ஃபெர்டிலைசேஷன் (ஐவிஎஃப்) சிகிச்சை மூலம் பிறந்த குழந்தைகள் உட்பட பல உயிர்கள் பலியாகியுள்ளன.
பல ஆண்டுகளாக மலட்டுத்தன்மையுடன் போராடிய பெற்றோர்கள், தற்போது தங்கள் பிஞ்சு குழந்தைகளை இழந்து வருந்துகிறார்கள்.
அவர்கள் தங்கள் பிள்ளைகளை தனிப்பட்ட அற்புதங்களாகக் கருதினர் என்று கார்டியன் செய்தி வெளியிட்டுள்ளது.
காசா முற்றுகை மற்றும் ஆயிரக்கணக்கான உறைந்த கருக்கள் அழிக்கப்பட்டதன் காரணமாக ஏராளமான பெண்களுக்கு IVF சிகிச்சை முறை சீர்குலைத்துள்ளது.
சிகிச்சை சீர்குலைவு
போர், ஆயிரக்கணக்கான உறைந்த கருக்களை அழித்துவிட்டது
அக்டோபர் 7 அன்று, அல்-பாஸ்மா மையத்தில் கிட்டத்தட்ட 50 பெண்கள் ஹார்மோன் ஊசி சுழற்சியின் நடுவில் இருந்தனர். அப்போது அவர்களின் சிகிச்சை போரினால் குறுக்கிடப்பட்டது.
மையத்தின் நிறுவனரும், காசா ஐவிஎஃப் முன்னோடியுமான பஹா அல்-கலாயினியின் கூற்றுப்படி, மேலும் 10 பேர் சில நாட்களுக்குள் கரு பரிமாற்றத்திற்கு தயாராகி வந்தனர் என்றார்.
நவம்பர் 2023 இல், ஒரு இஸ்ரேலிய ஏவுகணை IVF கிளினிக்கின் ஆய்வகத்தைத் தாக்கியது என்றும் அதில் உறைந்த கருக்கள் அனைத்தும் அழிந்து போனது என்கிறார்.
குண்டுவெடிப்பு பல தம்பதிகளின் முதல், கடைசி அல்லது குழந்தை பெறும் ஒரே வாய்ப்பை வைத்திருந்த கொள்கலன்களை சிதைத்தது.
கிளினிக் தாக்குதல்
கிளினிக்கின் ஆய்வகத்தை இஸ்ரேலிய ஏவுகணை தாக்கியது
கிளினிக்கில் ஏறக்குறைய 4,000 உறைந்த கருக்கள் சேமித்து வைக்கப்பட்டிருந்தன. அவற்றில் குறைந்தது பாதி தம்பதியினருக்கு சொந்தமானது, அவர்கள் புதியவற்றை உருவாக்க சிகிச்சை பெற முடியாது.
கலாயினி, "கரு உறைதல் என்பது பெற்றோர்கள் பற்றிய தங்கள் கனவை நனவாக்க முயற்சிக்கும் தம்பதிகளுக்கு ஆழ்ந்த உணர்ச்சி மற்றும் நிதி முதலீட்டைக் குறிக்கிறது" எனக்கூறினார்.
இந்தத் தாக்குதல் அவர்களின் கனவுகள் அனைத்தையும் தகர்த்தெறிந்தது" என்று அவர் மேலும் கூறினார்.
கர்ப்ப அபாயங்கள்
போர் கர்ப்பிணிப் பெண்களைப் பாதிக்கிறது; ஆயிரக்கணக்கானோர் மருத்துவ உதவியின்றி பிரசவிக்கின்றனர்
போரின் தொடக்கத்தில், IVF மற்றும் தேவையான கண்காணிப்பு மூலம் கருத்தரித்த 250 பெண்கள் தற்போது கவனிக்கப்படாமல் விடப்பட்டனர்.
இந்த பெண்களில் பலர் சிக்கலான பிரசவங்கள் அபாயங்களை எதிர்கொண்டனர்.
ஆனால் இஸ்ரேலிய வான்வழித் தாக்குதல்கள் காசாவில் உள்ள பெரும்பாலான மருத்துவமனைகளை மூடுவதற்கு கட்டாயப்படுத்தியதால் தனியாக சமாளிக்க வேண்டியிருந்தது.
மருத்துவ உதவியின்றி ஆயிரக்கணக்கான பெண்கள் பிரசவம் செய்வதால் தாய்மார்கள் மற்றும் புதிதாகப் பிறந்த குழந்தைகள் உயிரிழப்பதாக ஐக்கிய நாடுகள் சபை தெரிவித்துள்ளது.