ஈரான் ஆதரவு ஹூதி போராளிகளுக்கு எதிராக அமெரிக்கா மற்றும் இங்கிலாந்து தாக்குதல்
செய்தி முன்னோட்டம்
ஏமன் நாட்டை சேர்ந்த ஹூதி இயக்கத்துடன் தொடர்புடைய இடங்கள் மீது அமெரிக்காவும் பிரிட்டனும் தாக்குதல் நடத்த தொடங்கியுள்ளன.
ஈரான் ஆதரவு ஹூதி போராளிகள் குழுவால் சர்வதேச கடல் வழிகளில் பிரச்சனை அதிகரித்து வருகிறது.
கடந்த ஆண்டு இறுதியில் இருந்து செங்கடலில் பயணிக்கும் சர்வதேச கப்பல்களை குறிவைத்து ஹூதி இயக்கம் தாக்குதல் நடத்தி வருகிறது.
கடந்த ஆண்டு இந்த பிரச்சனை தொடங்கப்பட்ட பிறகு ஹூதி இயக்கத்தின் மீது நடத்தப்படும் முதல் தாக்குதல் இதுவாகும்.
அதிகாரப்பூர்வமாக அன்சார் அல்லா என்று அழைக்கப்படும் ஹூதி இயக்கம், 1990களில் ஏமன் நாட்டில் தோன்றிய ஒரு ஷியா இஸ்லாமிய அரசியல் மற்றும் இராணுவ அமைப்பாகும்.
ஏமனின் சன்னி பெரும்பான்மை அரசாங்கத்திற்கு எதிராக இந்த இயக்கம் இயங்கி வருகிறது.
சியோல்
"மேலும் நடவடிக்கை எடுக்க தயங்க மாட்டோம்": ஜோ பைடன்
இந்நிலையில், சமீபகாலமாக ஹூதி போராளிகள் சர்வதேச கடல் வழிகளில் கொள்ளையடிப்பது, கப்பல்களை கைப்பற்றுவது போன்ற செயல்களில் ஈடுபட்டு வருகின்றனர்.
செங்கடல், ஏடன் வளைகுடா மற்றும் மத்திய வட அரபிக்கடல் ஆகிய பகுதிகளை கடந்து செல்லும் வணிக கப்பல்களை குறிவைத்து கடந்த சில வாரங்களாக அவர்கள் தாக்குதல் நடத்தி வருகின்றனர்.
இந்நிலையில், அமெரிக்காவும் பிரிட்டனும் நடத்திய தாக்குதலால் ஏமன் முழுவதும் குண்டுவெடிப்புகள் பதிவாகியதாக தெரிவிக்கப்ட்டுள்ளது.
இந்நிலையில், தேவைப்பட்டால் மேலும் நடவடிக்கை எடுக்க தயங்க மாட்டோம் என்று அமெரிக்க அதிபர் ஜோ பைடன் எச்சரித்துள்ளார்.
"அமெரிக்கா தனது பணியாளர்கள் மீதான தாக்குதல்களை பொறுத்துக்கொள்ளாது என்பதற்கும் தனது வழிசெலுத்தலின் சுதந்திரத்தை கெடுக்க அனுமதிக்காது என்பதற்கும் இந்த தாக்குதல்கள் ஒரு எடுத்துக்காட்டு" என்று பைடன் கூறியுள்ளார்.