ஈரான் மீதான இஸ்ரேலின் தாக்குதல் குறித்த அமெரிக்க அரசின் ரகசிய ஆவணம் கசிவு
செய்தி முன்னோட்டம்
ஈரானுக்கு எதிரான இஸ்ரேலின் சாத்தியமான பதிலடித் திட்டங்கள் தொடர்பான அமெரிக்க அரசின் மிகவும் இரகசிய உளவுத்துறை ஆவணங்கள் கசிந்துள்ளது பரபரப்பை ஏற்படுத்தியுள்ளது. கசிந்த ஆவணங்கள் உண்மையானவை என இந்த விஷயத்தை நன்கு அறிந்தவர்கள் கூறியதாக தகவல் வெளியாகியுள்ளது. அவை டெலிகிராமில் "மிடில் ஈஸ்ட் ஸ்பெக்டேட்டர்" என்ற கணக்கின் மூலம் பதிவேற்றப்பட்டன. சிஎன்என் இதுகுறித்து வெளியிட அறிக்கையின்படி, இந்த உயர்-ரகசிய ஆவணங்கள் அமெரிக்கா மற்றும் அதன் ஐந்து கண்கள் நட்பு நாடுகளான ஆஸ்திரேலியா, கனடா, நியூசிலாந்து மற்றும் பிரிட்டன் ஆகியவற்றிற்கு மட்டுமே இவற்றை வழங்கும் என்பது குறிப்பிடத்தக்கது.
தாக்குதலுக்கான ஏற்பாடுகள்
கசிந்த ஆவணங்கள் ஈரான் மீதான தாக்குதலுக்கான இஸ்ரேலின் தயாரிப்பை உறுதிப்படுத்துகின்றன
கசிந்த ஆவணங்கள் ஈரானுக்கு எதிரான சாத்தியமான தாக்குதலுக்கான இஸ்ரேலின் தயாரிப்புகள் பற்றிய விரிவான நுண்ணறிவை வழங்குகின்றன. நேஷனல் ஜியோஸ்பேஷியல்-இன்டலிஜென்ஸ் ஏஜென்சியால் தொகுக்கப்பட்ட ஒரு ஆவணம், இஸ்ரேல் வெடிமருந்துகளை நகர்த்துகிறது என்பதைக் காட்டுகிறது. தேசிய பாதுகாப்பு ஏஜென்சியின் மற்றொரு ஆவணம் இஸ்ரேலிய விமானப்படை வானிலிருந்து தரையை தாக்கும் ஏவுகணை பயிற்சியை மேற்கொள்வதை வெளியிட்டுள்ளது. இந்த நடவடிக்கைகள் அக்டோபர் 1 அன்று ஈரான் ஏவுகணைத் தாக்குதலுக்குப் பதிலடியாக அதன் மீதான தாக்குதலுக்கான தயாரிப்பாக நம்பப்படுகிறது.
அணுசக்தி திறன்கள்
இஸ்ரேலிடம் அணு ஆயுதங்கள்
கசிந்த மற்றொரு ஆவணம் இஸ்ரேலிடம் அணு ஆயுதங்கள் இருப்பதாகக் கூறுகிறது. எனினும், அந்த கூற்றை அந்த நாடு பகிரங்கமாக உறுதிப்படுத்தவில்லை. எவ்வாறாயினும், ஈரானுக்கு எதிராக இந்த அணு ஆயுதங்களை இஸ்ரேல் பயன்படுத்துவதற்கான எந்த திட்டமும் இல்லை என்று அது தெளிவுபடுத்துகிறது. மத்திய கிழக்கிற்கான அமெரிக்காவின் முன்னாள் துணை பாதுகாப்பு செயலாளரான மிக் முல்ராய், இந்த கசிவை ஒரு தீவிரமான மீறல் என்று விவரித்தார் மற்றும் இது நம்பிக்கையற்ற நிலையை உருவாக்கும் என்பதால் எதிர்கால அமெரிக்க-இஸ்ரேல் ஒருங்கிணைப்பு குறித்து கவலை தெரிவித்தார்.
கருத்து இல்லை
கசிவுக்கு அமெரிக்க பதில்
அமெரிக்க அதிகாரிகள் இந்த விஷயத்தில் மாறுபட்ட கருத்துக்களைக் கொண்டுள்ளனர் எனக் கூறப்படுகிறது. சிலர் இந்த ஆவணம் வெளியீட்டின் தாக்கத்தை குறைத்து மதிப்பிடுகின்றனர். ஏனெனில் அதில் புதிய அமெரிக்க திறன்களைக் காட்டவில்லை என அவர்கள் வாதிடுகின்றனர். எவ்வாறாயினும், மற்றவர்கள் இஸ்ரேலின் முக்கியமான இராணுவத் திட்டங்களை, குறிப்பாக பிராந்தியத்தின் உச்சகட்ட பதட்டங்களைக் கருத்தில் கொண்டு அவை வெளியானதில் கவலை தெரிவித்துள்ளனர். ஈரான் மற்றும் அதன் இலக்குகள் மீது இஸ்ரேலின் திட்டமிடப்பட்ட தாக்குதலை நீங்கள் அறிந்திருக்கிறீர்களா என்று ஜெர்மனிக்கு சமீபத்திய பயணத்தின் போது கேட்கப்பட்டபோது, ஜனாதிபதி ஜோ பிடன் ஆம் என்று கடுமையாக பதிலளித்தார். ஆனால் அதை விவரிக்க மறுத்துவிட்டார் என்பதும் குறிப்பிடத்தக்கது.
கசிவு தோற்றம்
கசிந்த ஆவணங்களின் தோற்றம் குறித்து நிச்சயமற்ற தன்மை
முன்னதாக, கடந்த ஆண்டும் இதேபோன்ற ஒரு ஆவணம் கசிந்த நிலையில், தற்போது மீண்டும் ஒரு மிகப்பெரிய ரகசிய ஆவணம் கசிந்துள்ளது. முன்னர் வெளியான ஆவணம் தென் கொரியா மற்றும் உக்ரைன் போன்ற நட்பு நாடுகளுடனான அமெரிக்க உறவுகளை சீர்குலைத்தது. அதை 21 வயதான ஏர் நேஷனல் கார்ட்ஸ்மேன் ஒருவர் டிஸ்கார்ட் தளத்தில் வெளியிட்டிருந்தார். இந்நிலையில், தற்போதைய ஆவண கசிவிற்கு பிறகு, அமெரிக்க ராணுவ தலைமையகமான பென்டகன், அமெரிக்க புலனாய்வு அமைப்புகள் மற்றும் ஃபெடரல் பீரோ ஆஃப் இன்வெஸ்டிகேஷன் ஆகியவற்றுடன் இணைந்து கூட்டு விசாரணையை நடத்தி, தகவல் எப்படி கசிந்தது மற்றும் கூடுதல் ஆவணங்கள் வெளியிடப்பட்டது என்பதை கண்டறிய முடிவு செய்துள்ளது.