டிரம்பின் 'பெரிய, அழகான மசோதா'வை செனட் நிறைவேற்றியது: இது அமெரிக்காவில் உள்ள இந்தியர்களை எவ்வாறு பாதிக்கலாம்
செய்தி முன்னோட்டம்
ஜனாதிபதி டொனால்ட் டிரம்பிற்கு ஒரு குறிப்பிடத்தக்க வெற்றியாக, அமெரிக்க காங்கிரஸ், வியாழக்கிழமை, அவரது வரி குறைப்புக்கள் மற்றும் செலவு குறைப்புகளுக்கான 'பெரிய அழகான மசோதா'வை நிறைவேற்றியது. ஜனாதிபதி டிரம்ப் வெள்ளிக்கிழமை மாலை 5 மணிக்கு மசோதாவில் கையெழுத்திடுவார் என்று வெள்ளை மாளிகை அறிவித்தது. எனினும் இந்த மசோதாவில் குறிப்பிடப்பட்டுள்ள வரி விதிகள் அமெரிக்கா வாழ் இந்தியர்களுக்கும், குறிப்பாக கிரீன் கார்டு வைத்திருப்பவர்கள், H-1B மற்றும் H-2A விசா வைத்திருப்பவர்கள் மற்றும் சர்வதேச மாணவர்கள் உட்பட குடிமக்கள் அல்லாத அமெரிக்க குடியிருப்பாளர்களுக்கும் பொருந்தும்.
நிவாரணம்
இந்தியர்களுக்கு நிவாரணம் அளிக்கும் வரி மசோதா
அமெரிக்கா வெளியிட்டுள்ள புதிய வரி மசோதாவில், வெளிநாடுகளுக்கு பணம் அனுப்பும் பரிமாற்றங்களில் விதிக்கப்படும் வரி 5% இலிருந்து வெறும் 1% ஆகக் குறைக்கப்பட்டுள்ளது. இந்த மாற்றம், சுமார் 4.5 மில்லியன் இந்தியர் அடங்கிய, அமெரிக்காவில் உள்ள பெரிய இந்திய சமூதாயத்துக்கு நிவாரணமாக அமையும். முந்தைய வரைவில் 3.5% ஆகக் குறைக்கப்பட்டிருந்த இந்த வரி, ஜூன் 27 அன்று வெளியிடப்பட்ட செனட் ஆதரவு பெற்ற இறுதி பதிப்பில் 1% ஆக குறைக்கப்பட்டுள்ளது. "அனுப்புநரால் வழங்கப்படும் பணம், பண ஆணை, காசாளர் காசோலை அல்லது செயலாளரால் ஒத்ததாகக் கருதப்படும் கருவிகளைப் பயன்படுத்தி செய்யப்படும் எந்தவொரு பணப் பரிமாற்றத்திற்கும், அந்த பரிமாற்றத் தொகையின் 1% வரி விதிக்கப்படும்." என மசோதா குறிப்பிட்டுள்ளது.
விலக்கு
பணபரிமாற்றங்கள் வரியிலிருந்து விலக்கும் உண்டு
இந்த வரி குறிப்பாக நகல் (physical) பரிமாற்றங்களில் மட்டும் பொருந்தும். எனினும், ஆன்லைன் நிதி நிறுவனங்கள், அல்லது அமெரிக்கா வழங்கிய டெபிட்/கிரெடிட் கார்டுகளைப் பயன்படுத்தி செய்யப்படும் பரிமாற்றங்களுக்கு விலக்கு வழங்கப்பட்டுள்ளது. அதே நேரத்தில், இந்த வரி விதிப்பு டிசம்பர் 31, 2025க்குப் பிறகு நடைபெறும் பரிமாற்றங்களுக்கு மட்டுமே பொருந்தும். இந்த வரி குறைப்பு, அமெரிக்காவில் வசிக்கும் கிட்டத்தட்ட 45 லட்சம் இந்தியர்களுக்கு பயனளிக்கும், இதில் இந்திய வம்சாவளியைச் சேர்ந்த கிட்டத்தட்ட 32 லட்சம் பேர் அடங்குவர். இந்த பணப்பரிமாற்றம், இந்தியாவில் வாழும் மில்லியன் கணக்கான குடும்பங்களை நேரடியாக ஆதரிக்கிறது. 2023 ஆம் ஆண்டு இந்தியர்கள் $129 பில்லியன் வரை பணம் அனுப்பியுள்ளனர், அதில் மட்டும் 28% அமெரிக்காவிலிருந்து வந்தது.