நாடாளுமன்றத்தை கலைத்தார் அதிபர் மக்ரோன்: பிரான்ஸில் ஜூன் 30ஆம் தேதி திடீர் தேர்தல்
செய்தி முன்னோட்டம்
பிரெஞ்சு அதிபர் இம்மானுவேல் மக்ரோன் ஞாயிற்றுக்கிழமை நாடாளுமன்றத்தை கலைப்பதாக அறிவித்தார்.
ஐரோப்பிய ஒன்றிய தேர்தல்களின் போது, தனது மையவாத கூட்டணியை தீவிர வலதுசாரிகள் முறியடித்ததை அடுத்து அவர் உடனடியாக இந்த அறிவிப்பை வெளியிட்டார்.
மேலும், அவர் சட்டமன்றத் தேர்தலுக்கும் அழைப்பு விடுத்துள்ளார்.
தேசிய சட்டமன்றத்திற்கான முதல் சுற்றுத் தேர்தல் ஜூன் 30ஆம் தேதியும், இரண்டாவது சுற்று ஜூலை 7ஆம் தேதியும் நடைபெறும் என்று மக்ரோன் நாட்டு மக்களுக்கு ஆற்றிய உரையில் அறிவித்தார்.
மேலும், ஐரோப்பிய ஒன்றிய தேர்தல்களின் முடிவு, "ஐரோப்பாவைப் பாதுகாக்கும் கட்சிகளுக்கு இது ஒரு நல்ல முடிவு அல்ல" என்று அவர் ஒப்புக்கொண்டார்.
பிரான்ஸ்
பிரெஞ்சு மக்களிடம் அதிபர் மக்ரோன் வேண்டுகோள்
அதிக வாக்குகள் பெற்ற தேசிய பேரணி(RN) உட்பட, பிரான்சின் தீவிர வலதுசாரி கட்சிகள் பிரான்சில் நடந்த ஐரோப்பிய ஒன்றிய தேர்தல்களில் கிட்டத்தட்ட 40 சதவீத வாக்குகளை பெற்றது என்று மக்ரோன் குறிப்பிட்டார்.
"தீவிர வலதுசாரி கட்சிகள்... கண்டம் எங்கும் முன்னேறி வருகின்றன. நானே ராஜினாமா செய்ய முடியாத சூழ்நிலை உள்ளது," என்று அவர் கூறியுள்ளார்.
"உங்களுக்கு ஒரு பரீட்சையை கொடுக்க முடிவு செய்துள்ளேன்... அதனால் தேசிய சட்டமன்றத்தை இன்றிரவு கலைக்கிறேன். இந்த முடிவு தீவிரமானது மற்றும் கனமானது. ஆனால் இது நம்பிக்கைக்குரிய செயல். அன்பான தோழர்களே, உங்களுக்கும், உங்களது வருங்கால சந்ததியினருக்கும் ஏற்ற சிறந்த கட்சியை நீங்கள் தேர்வு செய்வீர்கள். பிரெஞ்சு மக்களின் திறனில் எனக்கு நம்பிக்கையுள்ளது." என்று அதிபர் மக்ரோன் தெரிவித்துள்ளார்.