ஸ்லோவாக்கியா பிரதமர் ராபர்ட் ஃபிகோ மீது துப்பாக்கி சூடு: பிரதமர் மோடி உட்பட உலக தலைவர்கள் கண்டனம்
நான்கு முறை ஸ்லோவாக்கியாவின் பிரதமராக இருந்த ராபர்ட் ஃபிகோ மீது இன்று துப்பாக்கி சூடு நடத்தப்பட்டது. ஹாண்ட்லோவாவில் நடத்த அரசாங்க கூட்டத்திற்கு பின்னர், மக்களைச் சந்திக்கச் சென்றபோது ஃபிகோவை நோக்கி மர்ம நபர் ஒருவர் துப்பாக்கியால் பலமுறை சுட்டுள்ளார். இதில், பிரதமர் ஃபிகோவின் வயிற்றில் படுகாயம் ஏற்பட்டு, இரத்த வெள்ளத்தில் சரிந்தார். உடனே, அவரது பாதுகாவலர்கள் அவரை மருத்துவமனைக்கு விரைந்து அழைத்து சென்றனர். பிரதமர் மீது துப்பாக்கி சூடு நடத்திய மர்ம நபர், சம்பவ இடத்திலேயே கைது செய்யப்பட்டார். சந்தேகத்திற்குரிய நபர், 71 வயதான ஸ்லோவாக் கவிஞர் ஜுராஜ் சிந்துலா என்று உள்ளூர் ஊடகங்கள் செய்தி வெளியிட்டுள்ளன. ஃபிகோவின் ஊடகக் கொள்கைகள் மீது தனது வெறுப்பை காட்டவே சுட்டதாக அந்த நபர் தெரிவித்துள்ளார்
உலக தலைவர்கள் கண்டனம்
ஸ்லோவாக்கிய பிரதமர் ராபர்ட் ஃபிகோ மீதான படுகொலை முயற்சிக்கு பிரதமர் நரேந்திர மோடி வியாழக்கிழமை கண்டனம் தெரிவித்து, இது ஒரு கொடூரமான மற்றும் கோழைத்தனமான செயல் என்று கூறினார். X இல் ஒரு பதிவில், ஸ்லோவாக்கிய பிரதமர் விரைவில் குணமடைய பிரதமர் மோடி வாழ்த்தினார். இந்தத் தாக்குதலுக்கு அமெரிக்க அதிபர் ஜோ பிடன், உக்ரைன் அதிபர் வோலோடிமிர் ஜெலென்ஸ்கி உள்ளிட்ட உலகத் தலைவர்கள் கண்டனம் தெரிவித்துள்ளனர். ஐரோப்பிய ஆணையத்தின் தலைவர் Ursula von der Leyen, இது போன்ற வன்முறைச் செயல்கள் ஜனநாயகத்தைக் குறைமதிப்பிற்கு உட்படுத்துவதாகவும், சமூகத்தில் இடமில்லை என்றும் கூறினார்.
பிரதமர் மோடி கண்டனம்
Deeply shocked at the news of the shooting at Slovakia's Prime Minister, H.E. Mr. Robert Fico. I strongly condemn this cowardly and dastardly act and wish PM Fico a speedy recovery. India stands in solidarity with the people of the Slovak Republic.— Narendra Modi (@narendramodi) May 16, 2024
