உளவு பார்த்த விக்கிலீக்ஸ் ஜூலியன் அசாஞ்சே குற்றத்தை ஒப்புக்கொண்டார்; விரைவில் விடுதலை
செய்தி முன்னோட்டம்
விக்கிலீக்ஸ் நிறுவனர் ஜூலியன் அசாஞ்சே புதன்கிழமையன்று அமெரிக்க தேசிய பாதுகாப்புத் தகவலைப் பெற்றதற்கும், அதனை வெளியிடுவதற்கும் சதி செய்ததாக தனது குற்றத்தை ஒப்புக்கொண்டார்.
இதன் மூலம் அவரது பல வருட சட்டப் போராட்டங்களுக்கு முற்றுப்புள்ளி வைக்கப்பட்டு அவர் விரைவில் விடுவிக்கப்படுவார் என எதிர்பார்க்கப்படுகிறது.
அசாஞ்சே, அமெரிக்காவின் பிரதான நிலப்பகுதிக்கு பயணம் செய்ய மறுத்ததாலும், அவரது தாயகமான ஆஸ்திரேலியாவுக்கு அருகாமையில் இருப்பதாலும், தேர்ந்தெடுக்கப்பட்ட அமெரிக்கவின் ஒரு பகுதியான வடக்கு மரியானா தீவுகளில், அமெரிக்க மாவட்ட நீதிமன்ற விசாரணையில் குற்றத்தை ஒப்புக்கொள்வதாக மனு தாக்கல் செய்தார்.
ஒப்பந்தத்தின் ஒரு பகுதியாக, 2006ல் அவர் நிறுவிய ரகசிய இணையத்தளமான விக்கிலீக்ஸுக்கு அளிக்கப்பட்ட தகவல்களை அசாஞ்சே அழிக்க வேண்டும் என்பது குறிப்பிடத்தக்கது.
தண்டனை
விரைவில் அசாஞ்சே வெளியாவார் என எதிர்பார்க்கப்படுகிறது
விக்கிலீக்ஸ் மூலம் நூறாயிரக்கணக்கான இரகசிய ஆவணங்களை 2010இல் வெளியிட்டதற்காக அமெரிக்காவால் நீண்டகாலமாக தேடப்பட்டு வரும் அசாஞ்சேக்கான நீண்ட விசாரணை மற்றும் சாத்தியமான சிறைத்தண்டனையை இந்த மனு ஒப்பந்தம் தவிர்க்கிறது.
வழக்கின் விசாரணையின் இறுதியில், ஐந்து ஆண்டுகள் மற்றும் இரண்டு மாதங்கள் சிறைத்தண்டனை பெறுவார் என்று எதிர்பார்க்கப்படுகிறது.
இதில் அவர் பிரிட்டன் சிறையில் இருந்த காலமும் கணக்கில் எடுத்துக்கொள்ளப்படும்.
அவர் ஐந்து ஆண்டுகளாக அடைக்கப்பட்டிருந்த உயர் பாதுகாப்பு பிரிட்டிஷ் சிறையிலிருந்து நேற்று விடுவிக்கப்பட்டார்.
விசாரணைக்குப் பிறகு, அசாஞ்சே ஆஸ்திரேலியா திரும்புவார் என்று எதிர்பார்க்கப்படுகிறது என்று அமெரிக்க வழக்கறிஞர்கள் தெரிவித்தனர்.
எனினும் விக்கிலீக்ஸ் சமூக ஊடக தளமான X இல் அவர் திரும்புவதை உறுதிப்படுத்தி, மனு ஒப்பந்தத்தை "தேவையற்றது" என்று குறிப்பிட்டது.