"வர்த்தக போர் வேண்டாம், பேச்சுவார்த்தைக்கு வாங்க": அமெரிக்காவிற்கு சீனா வலியுறுத்தல்
செய்தி முன்னோட்டம்
அமெரிக்கா மற்றும் சீனா இடையே வர்த்தகப் போர் மீண்டும் வெடிக்கத் தொடங்கியுள்ளது.
சீனாவிலிருந்து இறக்குமதி செய்யப்படும் சில முக்கிய பொருட்கள் மீது அமெரிக்கா 245% வரை வரி விதிக்கத் திட்டமிட்டுள்ளது.
இதன் மூலம் சீனாவின் பழிவாங்கும் நடவடிக்கைகளுக்கு பதிலடி கொடுக்கப்படுகிறது என வெள்ளை மாளிகை விளக்கமளித்துள்ளது.
செவ்வாய்க்கிழமை பிற்பகுதியில் வெள்ளை மாளிகையால் அறிவிக்கப்பட்ட புதிய கட்டண அமைப்பு, சீனாவின் சமீபத்திய ஏற்றுமதி கட்டுப்பாடுகள், பழிவாங்கும் கட்டணங்கள் மற்றும் போயிங் விமானங்களின் விநியோகங்களை நிறுத்துவதற்கான முடிவு ஆகியவற்றிற்கு பதிலளிக்கும் விதமாக வருகிறது.
டிரம்ப் நிர்வாகத்தால் விதிக்கப்பட்ட புதிய வரிகள் அமெரிக்க-சீன வர்த்தக உறவுகளில் பெரும் தாக்கத்தை ஏற்படுத்தும் என்று எதிர்பார்க்கப்படுகிறது.
பதில்
அமெரிக்காவின் தொடர் வரிக்கு சீனா பதில்
அமெரிக்காவின் இந்த தடாலடி நடவடிக்கைக்கு பதிலளித்த சீனா, "பிளாக்மெயில், அச்சுறுத்தல் என எந்தவிதமான அழுத்தத்தையும் ஏற்க முடியாது" என கடுமையாக கண்டித்துள்ளது.
மேலும், சமத்துவம், மரியாதை மற்றும் பரஸ்பர நன்மையின் அடிப்படையில் பேசத் தயாராக இருப்பதாகவும், அதற்காக அமெரிக்கா தனது 'அதிகபட்ச அழுத்த' அணுகுமுறையை முடிவுக்கு கொண்டு வர வேண்டும் என வலியுறுத்தியுள்ளது.
சீன வெளியுறவுத்துறை,"அமெரிக்காவே வர்த்தகப் போரைத் துவக்கியது. நாங்கள் எடுத்த எதிர்வினைகள் நியாயமானவை. பேச்சுவார்த்தை வேண்டுமெனில், மிரட்டல் அல்ல, மரியாதை முக்கியம்." என தெரிவித்துள்ளது.