ருதுராஜை வளர்த்தெடுக்க சிஎஸ்கேவுக்கு ஐபிஎல் 2025இல் எம்எஸ் தோனி வேண்டும்; சுரேஷ் ரெய்னா கருத்து
இந்தியன் பிரீமியர் லீக் (ஐபிஎல்) 18வது சீசனில் எம்எஸ் தோனி விளையாடுவதை காண விருப்பம் தெரிவித்துள்ளார் சுரேஷ் ரெய்னா. ஐபிஎல் 2028இல் தொடங்கியது முதல் அனைத்து சீசன்களிலும் விளையாடியுள்ள எம்எஸ் தோனி, சென்னை சூப்பர் கிங்ஸ் (சிஎஸ்கே) அணிக்காக 14 ஆட்டங்களில் விளையாடி 220.54 ஸ்ட்ரைக் ரேட்டைக் கொண்டுள்ளார். இந்நிலையில், முன்னாள் சிஎஸ்கே வீரரான சுரேஷ் ரெய்னா, எம்எஸ் தோனி விளையாடுவது ஐந்து முறை ஐபிஎல் சாம்பியனுக்கு அதிக மதிப்பை சேர்க்க முடியும் என்று தெரிவித்துள்ளார். அதுமட்டுமின்றி, சென்னை சூப்பர் கிங்ஸ் அணியின் தற்போதைய கேப்டன் ருதுராஜ் கெய்க்வாட் தனது கேப்டன்சி பொறுப்பை மேம்படுத்த இன்னும் அதிக நேரம் தேவைப்படுவதாகவும் ரெய்னா கருதுகிறார்.
சுரேஷ் ரெய்னா பேட்டியின் முழு விபரம்
ஸ்போர்ட்ஸ் டாக்கிற்கு அளித்த பேட்டியில் பேசிய சுரேஷ் ரெய்னா, "எம்எஸ் தோனி, அவர் கடந்த ஆண்டு எப்படி பேட்டிங் செய்தார் என்பதைக் கருத்தில் கொண்டு ஐபிஎல் 2025இல் விளையாட வேண்டும் என்று நான் விரும்புகிறேன். ருதுராஜ் கெய்க்வாட்டிற்கு இன்னும் ஒரு வருடம் தேவைப்படுவதாக நான் நினைக்கிறேன், அவர் கேப்டனாக இருந்த விதம் மற்றும் ஆர்சிபியுடனான தோல்விக்குப் பிறகு நிறைய விஷயங்கள் கூறப்பட்டன. இருப்பினும், ருதுராஜ் சிறப்பாக செயல்பட்டு கோப்பையை வென்று ஒரு சாதனையைச் செய்துள்ளார்." என்று கூறினார். ஐபிஎல் 2024இன் போது கெய்க்வாட் கேப்டனாக இருந்தாலும் சிறப்பாக ரன் எடுத்தார். ஆனால், இந்த சீசனில் லீக் சுற்றில் சென்னை சூப்பர் கிங்ஸ் ஏழு வெற்றிகள் மற்றும் ஏழு தோல்விகளைப் பெற்றது குறிப்பிடத்தக்கது.
