ஸ்போர்ட்ஸ் ரவுண்டு அப்: இன்றைய ட்ரெண்டிங் விளையாட்டு செய்திகள்
செய்தி முன்னோட்டம்
இந்தியாவில் சுற்றுப்பயணம் மேற்கொண்டு, டெஸ்ட் தொடரில் விளையாடி வரும் இங்கிலாந்து அணி, கடைசி ஆட்டத்தை வரும் மார்ச் 7-ஆம் தேதி விளையாட உள்ளது.
எனினும், அதனை எதிர்கொள்ளவிருக்கும் இந்திய அணியில் பல்வேறு மாற்றங்கள் இருக்கும் என்று எதிர்பார்க்கப்படுகிறது.
ஏற்கனவே காயத்திலிருந்து மீண்டு வந்த ராகுல், தொடரின் பயிற்சியின் போது தசைப்பகுதியில் மீண்டும் வலி ஏற்பட்டுள்ளது.
அதனால், சிகிச்சை எடுக்கவிருப்பதாக கூறப்படுகிறது. அதனால், 5வது டெஸ்ட் போட்டியில், கே.எல்.ராகுல் விளையாடுவது சந்தேகமே!
அதே நேரத்தில், இந்த தொடரை இந்திய அணி கைப்பற்றிவிட்டதால், கடைசி ஆட்டத்தில் மூத்த வீரர்களுக்கு ஓய்வளிக்கவும் பிசிசிஐ திட்டமிட்டுள்ளதாக தெரிகிறது.
அதனால் புது போட்டியாளர்கள் களமிறங்கக்கூடும் எனவும் எதிர்பார்க்கப்படுகிறது.
பிசிசிஐ
பிசிசிஐ ஒப்பந்தத்திலிருந்து ஸ்ரேயஸ் ஐயர் மற்றும் இஷான் கிஷன் விடுவிப்பு
இந்திய கிரிக்கெட் கட்டுப்பாட்டு வாரியத்தின் (பிசிசிஐ) ஆண்டு ஒப்பந்தத்திலிருந்து ஷ்ரேயாஸ் ஐயர் மற்றும் இஷான் கிஷன் ஆகியோர் விடுவிக்கப்பட்டுள்ளனர்.
அதேநேரத்தில், இளம் வீரர் யஷஸ்வி ஜெய்ஸ்வால் இந்திய அணிக்காக ஒப்பந்தமிட்டுள்ளார்.
ஆண்டுதோறும் இந்திய அணிக்காக விளையாடும் வீரர்களின் ஒப்பந்தம் சார்ந்த விவரங்களை பிசிசிஐ புதுப்பிக்கும்.
அந்த வகையில் 2023-2024 சீசனுக்கான வீரர்களின் ஒப்பந்த விவரம் தற்போது வெளியாகியுள்ளது.
அதில் உள்ளூர் போட்டிகளில் விளையாட மறுத்து வந்த இஷான் கிஷனின் பெயர் இடம்பெறவில்லை.
முன்னதாக இந்திய அணியில் அங்கம் வகிக்கும் வீரர்கள், அணிக்காக விளையாடாத சமயங்களில் உள்ளூர் கிரிக்கெட் போட்டிகளில் விளையாட வேண்டும் என பிசிசிஐ தெரிவித்திருந்தது குறிப்பிடத்தக்கது.
ஐசிசி
ஐசிசி தரவரிசை பட்டியலில் ஜெய்ஸ்வால் முன்னேற்றம்
நேற்று வெளியான ஐசிசி தரவரிசை பட்டியலில், அறிமுக வீரர் யஷஸ்வி ஜெய்ஸ்வால் டெஸ்ட் கிரிக்கெட் பேட்ஸ்மேன்களுக்கான 3 இடங்கள் முன்னேறியுள்ளார்.
தற்போது அவர் 12வது இடத்தில உள்ளார்.
இங்கிலாந்துக்கு எதிரான டெஸ்ட் போட்டித்தொடர் தொடங்கும் முன் அவர் தரவரிசையில் 69-வது இடத்தில இருந்தார் என்பது குறிப்பிடத்தக்கது.
அதன் பின்னர், டெஸ்ட் போட்டி தொடரில் அவர் வெளிப்படுத்திய அசாதாரண ஆட்டத்தால் தற்போது 12 வது இடத்தை பிடித்துள்ளார்.
குறிப்பாக, தொடரின் 2வது மற்றும் 3வது போட்டியின் போது ஜெய்ஸ்வால் அரைசதம் அடித்து அணியின் வெற்றிக்கு வித்திட்டார்.
அதன்பின்னர் 4 வது போட்டித்தொடரின் இரு இன்னிங்ஸிலும் கூட்டாக 110 ரன்கள் பெற்றதே ஜெய்ஸ்வாலின் முன்னேற்றத்திற்கு முக்கிய காரணம்
டென்னிஸ்
டென்னிஸ் சாம்பியன்ஷிப்: போப்பண்ணா ஜோடி காலிறுதிக்கு முன்னேற்றம்
துபாயில் நடைபெற்று வரும், டூட்டி ஃப்ரீ டென்னிஸ் சாம்பியன்ஷிப் தொடரில் இந்தியாவின் ரோஹன் போபண்ணா, ஆஸ்திரேலியாவின் மேத்யூ எப்டன் இணை கால் இறுதிக்கு முன்னேறியுள்ளது.
இந்த ஜோடி முதல் சுற்றில், துனிசியாவின் ஸ்கந்தர் மன்சூரி, பாகிஸ்தானின் அய்சாம் உல் ஹக் குரேஷி ஜோடியை எதிர்கொண்டது.
போட்டியின் துவக்கம் முதலே அபாரமாக ஆடிய போபண்ணா- எப்டன் ஜோடி, 7-6(4) 7-6(5) என்ற செட் கணக்கில் போட்டியை வென்று, கால் இறுதி சுற்றுக்கு முன்னேறியுள்ளது.
காலிறுதி போட்டியில், இந்த ஜோடி, உருகுவேயின் ஏரியல் பெஹர், செக்குடியரசின் ஆடம் பாவ்லாசெக் ஜோடியை எதிர்கொள்ளும்.